بہاول پور، پنجاب میں طوفانی بارشوں کے سلسلے کے الرٹ جاری کرنے کامعاملہ

وزیراعلیٰ پنجاب نے نوٹس لے لیا، تمام محکموں کوہائی الرٹ ہونے کے احکامات جاری

جمعہ 19 اپریل 2024 20:22

بہاول پور(اُردو پوائنٹ اخبارتازہ ترین - آن لائن۔ 19 اپریل2024ء) پنجاب میں طوفانی بارشوں کے سلسلے کے الرٹ جاری کرنے کامعاملہ، وزیراعلیٰ پنجاب نے نوٹس لے لیا، تمام محکموں کوہائی الرٹ ہونے کے احکامات جاری۔

(جاری ہے)

تفصیلات کے مطابق محکمہ موسمیات کی جانب سے صوبہ بھرمیں 18سے 21اپریل تک شدیدطوفانی بارشوں کاالرٹ جاری کیاگیاتھااس حوالے سے وزیراعلیٰ پنجاب آفس نے چیف سیکرٹری پنجاب سمیت صوبہ بھرکے ڈویژنل کمشنرز،ڈپٹی کمشنرزکوایک مراسلہ جاری کیاگیاہے جس میں بتایاگیاہے کہ چیف منسٹرپنجاب نے معاملے کانوٹس لیتے ہوئے تمام صوبائی محکموں سمیت ڈویژنل وڈسٹرکٹ انتظامیہ اورپولیس کوانتہائی الرٹ رہنے کی ہدایت جاری کی ہے اورفوری طورپر اس کے تدارک کیلئے اقدامات اُٹھانے ،نشیبی علاقوں کے لوگوں کو کسی محفوظ مقام پرمنتقل کرنے کی ہدایت جاری کی ہے اور کہاگیاہے کہ پبلک کواس صورتحال کے حوالے سے آگاہی دی جائے ،ریسکیو 1122،پی ڈی ایم اے ،واسا اورضلعی انتظامیہ مل کرانتہائی موثراقدامات اُٹھائیں تاکہ عوام کی قیمتی جان ومال کی حفاظت کویقینی بنایاجاسکے۔