سکھر حیدرآباد موٹروے کو جلد از جلد مکمل کیا جائے، وفاقی حکومت سے وزیر منصوبابندی و ترقیات ناصرحسین شاہ کی درخواست

جمعہ 19 اپریل 2024 20:29

کراچی (اُردو پوائنٹ اخبارتازہ ترین - آن لائن۔ 19 اپریل2024ء) صوبائی وزیر ترقیات و منصوبابندی سید ناصرحسین شاہ نے کہا ہے کہ سکھر حیدرآباد موٹروے کو جلد از جلد مکمل کیا جائے اور اس منصوبے کو دوسرے منصوبوں کے ساتھ ایس آئی ایف سی (SIFC) کے ذریعے ترجیح دی جائے۔ ناصر شاہ نے کہا کہ وفاقی حکومت موٹروے کی تکمیل کیلئے ترجیحی بنیادوں پر اقدامات کرے۔

سکھر حیدرآبا موٹروے کو وفاقی بجٹ میں ترجیح دی جائے یا پھر سی پیک کے ذریعے اسے مکمل کیا جائے۔

(جاری ہے)

ویزر ترقیات صوبہ سندھ بلکہ ملکی معیشت کے استحکام اور ترسیلات کی مد میں کلیدی کردار ادا کرے گا۔ اس منصوبے کی تکمیل سے ملک و صوبہ سندھ کی خوشحالی میں بھی اضافہ ہوگا۔ وزیر منصوبابندی و ترقیات سید ناصر حسین شاہ نے مزید کہا کہ یہ موٹروے دیگر ممالک کے ساتھ ساتھ افغانستان اور چین کے ممالک کو بھی لاتا ہے، اس کے ساتھ گوادر کی بندرگاہوں کیلئے بھی تجارتی راہدارایوں کا ذریعہ بھی ہے۔صوبائی وزیر نے کہا کہ انتہائی اہمیت کا حامل یہ منصوبہ ملکی ترسیلات میں ریڑھ کی ہڈی کی حیثیت رکھتا ہے۔#