بانی پی ٹی آئی نے ضمنی الیکشن میں دھاندلی کو روکنے ووٹ کی حفاظت کا پیغام دیا ہے‘ علیمہ خان

ضمنی الیکشن میں پورا لاہور پی ٹی آئی کو ووٹ ڈالے گا،حسان نیازی ،عباد فاروق ملٹری جیل میں تھے ، اب دونوں لا پتہ ہیں

ہفتہ 20 اپریل 2024 14:46

بانی پی ٹی آئی نے ضمنی الیکشن میں دھاندلی کو روکنے ووٹ کی حفاظت کا پیغام ..

لاہور(اُردو پوائنٹ اخبارتازہ ترین - این این آئی۔ 20 اپریل2024ء) بانی پی ٹی آئی کی بہن علیمہ خان نے کہا ہے کہ 8 فروری کو لوگ ظلم کے خلاف گھروں سے نکلے اب 21 اپریل کو ضمنی الیکشن کیلئے بھی نکلیں، بانی پی ٹی آئی نے کہا کہ دھاندلی کو روکیں، انہوںنے ووٹ کی حفاظت کرنے کا پیغام دیا ہے۔

(جاری ہے)

انسداد دہشتگردی کی خصوصی عدالت میں پیشی کے موقع پر گفتگو کرتے ہوئے علیمہ خان نے کہا کہ اپیل ہے وکلا بھی باہر آئیں اور فارم 45 کی حفاظت کریں، وکلا ء فارم 47 بھی بغیر دھاندلی کے حاصل کریں،ضمنی الیکشن میں پورا لاہور پی ٹی آئی کو ووٹ ڈالے گا۔

انہوں نے کہا کہ ہم پر جھوٹے مقدمات بنائے جا رہے ہیں، آتش بازی کا انار چلانے کی ایف آئی آر بھی کاٹ دی گئی ، مجھ پر اور میری بہن پر 6 ، 6 مقدمات بنا دئیے۔پاکستان کا پیسہ بھی چوری کیا گیا، ووٹ بھی چوری کیا گیا، ہمارا بھانجا حسان نیازی اور عباد فاروق ملٹری جیل میں تھے ، اب وہ دونوں کل سے لا پتہ ہیں۔علیمہ خان نے کہا کہ بانی پی ٹی آئی کے وکیل سلمان صفدر اور سلمان اکرم راجہ ہیں۔