پاکستان اورنیوزی لینڈ کے میچ کے اعزازی ٹکٹ فروخت کرنے والا کامرس منسٹری کا ملازم گرفتار کرلیا گیا، مقدمہ درج

پیر 22 اپریل 2024 17:21

راولپنڈی(اُردو پوائنٹ اخبارتازہ ترین - این این آئی۔ 22 اپریل2024ء) پاکستان اور نیوزی لینڈ کے میچ کے اعزازی ٹکٹ فروخت کرنے والا کامرس منسٹری کا ملازم گرفتار کرلیا گیا۔پولیس کے مطابق پاک نیوزی لینڈ میچ کے اعزازی ٹکٹ فروخت کرنے والے ملزم ذوالفقار احمد کو کڈنی سینٹر کے سامنے سے گرفتار کیا گیا ہے۔

(جاری ہے)

کامرس منسٹری کے ملازم کے خلاف مقدمہ ڈی ایف سی عاطف قیوم کی مدعیت میں درج کرلیا گیا ہے۔وزارت کے ملازم کے خلاف درج مقدمے کے متن کے مطابق ملزم ایک ہزار روپے فی اعزازی ٹکٹ فروخت کر رہا تھا۔ ملزم نے اعتراف کیا کہ اس نے کامرس منسٹری کے کوٹے سے اعزازی ٹکٹ حاصل کیے۔ اعزازی ٹکٹ فروخت کرکے بددیانتی کا مظاہرہ کیا گیا۔ ملزم اعزازی ٹکٹ فروخت کرنے کا مجاز نہیں تھا۔