ایرانی صدر سید ابراہیم رئیسی کی لاہور آمد، وزیر اعلیٰ مریم نواز شریف کا ایرانی صدر کا پرتپاک استقبال

منگل 23 اپریل 2024 18:52

لاہور (اُردو پوائنٹ اخبارتازہ ترین - این این آئی۔ 23 اپریل2024ء) وزیر اعلیٰ پنجاب مریم نواز شریف نے ایرانی صدر سید ابراہیم رئیسی کی لاہور آمد پر علامہ اقبال ائیر پورٹ پر پرتپاک استقبال کیا۔ وزیر اعلیٰ مریم نواز شریف نے ایرانی صدر، خاتون اول اور وفد کو لاہور آمد پرخوش آمدید کہا۔

(جاری ہے)

سینئر صوبائی وزیر مریم اورنگزیب، سینیٹر پرویز رشید، وزیر اطلاعات عظمیٰ زاہد بخاری، وزیر خزانہ مجتبیٰ شجاع الرحمن، صوبائی وزیر سیکنڈری ہیلتھ کیئر اینڈ میڈیکل ایجوکیشن خواجہ سلیمان رفیق، صوبائی وزیر خوراک بلال یٰسین، صوبائی وزیر انڈسٹریز چوہدری شافع حسین، چیف سیکرٹری، انسپکٹر جنرل پولیس، لاہور میں تعینات ایرانی قونصل جنرل مہران مواحدفر اور دیگر حکام اس موقع پر موجود تھے۔