آغا خان یونیورسٹی کے پروفیسر نے نیورولوجی میں ایڈوکیٹ آف دی ایئر کا ایوارڈ حاصل کر لیا

کراچی(اُردو پوائنٹ اخبارتازہ ترین - این این آئی۔ 24 اپریل2024ء) آغا خان یونیورسٹی کے شعبہ طب میں نیورولوجی کے پروفیسر محمد واسع کو امریکی اکیڈمی آف نیورولوجی فار گلوبل پیشنٹ اینڈ نیورولوجی ایڈووکیسی کی جانب سے کولوراڈو میں ایڈووکیٹ آف دی ایئر ایوارڈ سے نوازا گیا۔پروفیسر محمد واسع کنسلٹنٹ نیورولوجسٹ ہیں جو جنرل نیورولوجی اور فالج میں مہارت رکھتے ہیں۔

وہ بطور صدرپاکستان سوسائٹی آف نیورولوجی کے طور پر بھی خدمات سر انجام دے چکے ہیں اور حال ہی میں ورلڈ فیڈریشن آف نیورولوجی کے ٹرسٹی اور ورلڈ اکیڈمی آف سائنس کے فیلو کے طور پر منتخب ہوئے ہیں۔ نیورل سائنسز اور نیورل امیجنگ میں انہوں نے پبلک اور پرائیویٹ سیکٹر میں متعدد ٹاسک فورسز اور ایڈوائزری کمیٹیوں کی سربراہی کی ہے۔

(جاری ہے)

پروفیسر محمد واسع نے اس کامیابی پر بات کرتے ہوئے کہا،’’میں اپنے ساتھیوں اور طلباء کے ساتھ مل کر تحقیق اور ایڈووکیسی کے کام کو آگے بڑھانے کے لیے آغا خان یونیورسٹی کی طرف سے فراہم کیے گئے وسیع مواقع اور تعاون کے لیے بے حد شکر گزار ہوں۔

‘‘ان کا تازہ ترین اعزاز اعصابی علوم کے شعبے میںمریضوں کی فلاح و بہبود کے حوالے سے مرحوم ڈاکٹر اور سماجی رہنما، کینتھ ایم ویسٹے، جونیئر کی پیروی کرنا ہے جن کے نام سے یہ ایوارڈمنصوب ہے۔ ڈاکٹر عادل حیدر، ڈین میڈیکل کالج، آغا خان یونیورسٹی نے کہا، ’’ہمیں فخر ہے کہ پروفیسر محمد واسع کو ہماری نیورولوجی فیکلٹی کے ایک قابل احترام رکن کے طور پر موجود ہیں۔

ہم ان کی قابل تعریف شراکت داریوں کے شکر گزار ہیں اور ان کی مؤثر تعلیمی کوششوں کی حمایت کرنے پر فخر محسوس کرتے ہیں۔‘‘اس ایوارڈ سے قبل، پروفیسر واسع کو امریکی اکیڈمی آف نیورولوجی کا ٹیچرز ریکگنیشن ایوارڈ اور ایڈووکیسی لیڈر آف دی ایئر ایوارڈ، پاکستان سوسائٹی آف نیورولوجی کا ممتاز استاد ایوارڈ، نیز پاکستان اکیڈمی آف میڈیکل سائنسز کے جونیئر ایوارڈ اور گولڈ میڈل سے بھی نوازا گیا ہے۔