عوامی خدمت کیلئے ہر وقت حاضر ہوں ،عوام نے اعتماد کا اظہار کیا کئے گئے تمام وعدے نبھائیں گے،فضل حکیم

ہفتہ 27 اپریل 2024 23:19

پشاور(اُردو پوائنٹ اخبارتازہ ترین - این این آئی۔ 27 اپریل2024ء) خیبرپختونخوا کے وزیر برائے جنگلات و ماحولیات فضل حکیم خان یوسفزئی نے کہا ہے کہ عوام کی خدمت کیلئے ہر وقت حاضر ہوں عوام نے ہم پر جو اعتماد کا اظہار کیا ہے ہم اُن سے کئے گئے تمام وعدے نبھائیں گے عوامی خدمت میں کوئی کمی نہیں آنے دینگے عوام کی طرف سے ملنے والی بھرپور محبت کا صلہ خدمت کے عمل سے ادا کریں گے ان خیالات کا اظہار فضل حکیم خان یوسفزئی نے رحیم آباد سوات کے دورہ کے موقع پر لوگوں سے گفتگو کرتے ہوئے کیا دورہ کے موقع پر لوگوں نے صوبائی وزیر فضل حکیم خان یوسفزئی کو اپنے مسائل سے آگاہ کیا۔

صوبائی وزیر نے بعض عوامی مسائل موقع پر حل کرنے کے احکامات دئیے جبکہ دیگر مسائل کے حل کیلئے متعلقہ محکموں کو ہدایات جاری کیں۔

(جاری ہے)

اس موقع پر لوگوں نے مسائل کے فوری حل اور دیار کے حل کیلئے ذاتی دلچسپی لینے پر فضل حکیم خان یوسفزئی کاتہہ دل سے شکریہ ادا کیا اور انہیں اپنے مکمل تعاون کا یقین دلایا۔ دورہ کے موقع پر صوبائی وزیر کا کہنا تھا کہ ہماری کوشش ہے کہ خیبرپختونخوا خصوصاً حلقہ پی کے 6 کے لوگوں کی تمام تر محرومیوں کا ازالہ احسن طریقے سے کرسکیں عوام کو جہاں بھی مسئلہ ہو ہمیں اگاہ کریں تاکہ اسے بروقت حل کیا جا سکے فضل حکیم خان یوسفزئی نے کہا کہ لوگوں کی خدمت کے ساتھ ساتھ ترقی اورخوشحالی کا سفر جاری رہے گا اور اس عز کا اعادہ کیا کہ لوگوں کو ہر جائز سہولیات ان کے گھر کی دہلیز پر پہنچائیں گے۔