پنجاب یونیورسٹی شعبہ آرکیالوجی کے زیر اہتمام سیمینار کا انعقاد

لاہور (اُردو پوائنٹ اخبارتازہ ترین - این این آئی۔ 29 اپریل2024ء) پنجاب یونیورسٹی شعبہ آرکیالوجی کے زیر اہتمام ریشنل ڈائیلاگ کے اشتراک سے’ نئیں ریساں شہر لاہور دیاں‘ پر لاہور کے عصری ورثے اور تہذیبی تاریخ کے حوالے سے سیمینار کا انعقاد کیا گیا۔ اس موقع پر ڈپٹی ڈائریکٹر پنجاب آرکیالوجی محمد اقبال منج، چیئرمین شعبہ آرکیالوجی پنجاب یونیورسٹی ڈاکٹر محمد حمید ، تاریخ دان انجم رحمانی، طلحہٰ شفیق،سابقہ ڈائریکٹر لاہور میوزیم محمد عثمان، آرکیٹیکٹ ڈاکٹر رضوان عظیم، فیکلٹی ممبران اور طلبائوطالبات نے شرکت کی۔

اپنے خطاب میں اقبال منج نے موجودہ اور مستقبل میں ہونے والے پروگرامز پر روشنی ڈالتے ہوئے طلباء کو ثقافتی ورثے کی حفاظت بارے آگاہ کیا۔ انہوں نے کہا کہ ثقافتی ورثہ کی حفاظت کی اہمیت کو سمجھا جائے اور اس سلسلے میں اپنے محکمے کی طرف سے مکمل تعاون کی یقین دہانی کرائی۔

(جاری ہے)

ڈاکٹر محمد حمید نے کہا کہ پنجاب یونیورسٹی شعبہ آرکیالوجی پاکستان کے تاریخی ورثے کی اہمیت اجاگر کرنے اور حفاظت کے لئے آگاہی فراہم کرنے میں کردار ادا کرتا رہے گا۔

انہوں نے کہا کہ آئندہ بھی اداروں کے تعاون سے ایسی سرگرمیوں کا انعقاد جاری رہے گا۔ ڈاکٹر انجم رحمانی نے پرانا راوی لاہور طلحہٰ شفیق نے جلیا نوالہ باغ پر سیر حاصل بات چیت کی۔ ڈاکٹر رضوان عظیم نے لاہور کے تاریخی ورثے کی حفاظت کے لیے اقدامات کی نشاندہی کی۔ محمد عثمان نے بھی پنجاب آرکیالوجی کے اقدامات کو سراہا اور معلوماتی سیمینار کے انعقاد پرمنتظمین کی حوصلہ افزائی کی۔