لاہور سمیت پنجاب کے بیشتر شہروں میں موسم گرم و خشک رہے گا،محکمہ موسمیات

منگل 7 مئی 2024 14:07

لاہور (اُردو پوائنٹ اخبارتازہ ترین - اے پی پی۔ 07 مئی2024ء) محکمہ موسمیات نے پیش گوئی کی ہے کہ آئندہ چوبیس گھنٹوں کے دوران صوبائی دارالحکومت لاہور سمیت پنجاب کے بیشتر شہر وں میں موسم گرم اور خشک رہے گا ، دن کے درجہ حرارت میں بتدریج اضافے کا امکان ہے جبکہ پنجاب بھر میں 10سے12مئی تک بارشوں کا سلسلہ جاری رہے گا۔

(جاری ہے)

ترجمان محکمہ موسمیات کے مطابق گزشتہ چوبیس گھنٹوں کے دوران پنجاب کے اکثر علاقوں میں موسم خشک اور گرم رہا۔

لاہور میں کم سے کم درجہ حرارت 26جبکہ زیادہ سے زیادہ 41سینٹی گریڈ ریکارڈ کیا گیا، ہوا میں نمی کا تناسب 21فی صد رہا،لا ہور میں آلودگی کی مجموعی شرح 138فیصد رہی،اسی طرح شہر کے دیگر علاقوں یو ایس قونصلیٹ 153، فیز 8 ایوی گر ین 172، سید مراتب علی روڈ 149،ٹھوکر نیاز بیگ 165،بریڈ اینڈ باونڈ 158،ڈان بریڈ لاہور 132،ذکی فارمز 99اورفیز8ڈی ایچ اے میں 224ائیر کوالٹی انڈیکس ریکارڈ کیا گیا۔