ملک کے بیشترعلاقوں میں موسم گرم اور خشک رہے گا، محکمہ موسمیات

منگل 7 مئی 2024 23:10

اسلام آباد (اُردو پوائنٹ اخبارتازہ ترین - اے پی پی۔ 07 مئی2024ء) ملک کے بیشترعلاقوں میں موسم گرم اور خشک رہے گا۔ محکمہ موسمیات کے مطابق کل بدھ کے روز ملک کے بیشترعلاقوں میں موسم گرم اور خشک رہے گا جبکہ میدانی علاقوں میں دن کے درجہ حرارت میں بتدریج اضافے کا امکان ہے ۔

(جاری ہے)

گذشتہ 24 گھنٹوں کے دوران ملک کے بیشتر علاقوں میں موسم گرم اورخشک جبکہ جنوبی اضلاع میں شدید گرم رہا۔ اس دوران ملک میں زیادہ سے زیادہ درجہ حرارت دادو، مٹھی 47، جیکب آباد ،موہنجو دڑو ،شہید بینظیرآباد، سکھر، روہڑی ، خیرپور 46، بھکر، چھور، حیدرآباد، خانپور، پڈعیدن اور رحیم یار خان میں 45ڈگری سینٹی ریکارڈ کیا گیا۔