چیئرمین تعلیمی بورڈ راولپنڈی محمد عدنان خان نے مختلف امتحانی مراکز کا دورہ کیا

راولپنڈی (اُردو پوائنٹ اخبارتازہ ترین - اے پی پی۔ 15 مئی2024ء) چیئرمین تعلیمی بورڈ راولپنڈی محمد عدنان خان نے امتحان انٹرمیڈیٹ پارٹI- سالانہ 2024کے سلسلہ میں مختلف امتحانی کا دورہ کیا۔ دورے کے دوران انہوں نے امتحانی مراکز کے انتظامات کا تفصیلی جائزہ لیا۔ دورے کے بعد گفتگو کرتے ہوئے چیئرمین تعلیمی بورڈ، راولپنڈی محمد عدنان خان نے کہا کہ وزیر اعلیٰ پنجاب مریم نواز کے ویژن کے مطابق اور حکومتِ پنجاب کی ہدایت کی روشنی میں امتحان انٹرمیڈیٹ پارٹI-خوش اسلوبی سے منعقد ہو رہا ہے۔

(جاری ہے)

تمام امتحانی مراکز کی کڑی نگرانی کی جارہی ہے۔ میرٹ اور شفافیت کو مدِ نظر رکھتے ہوئے زیرو ٹارلینس پالیسی کے مطابق ضلع انتظامیہ کے ساتھ مل کر باہمی حکمتِ عملی سے بوٹی مافیا کو شکستِ فاش دینے میں کامیاب ہوئے۔ آخر میں انہوں نے امتحانی عملے کو ہدایت جاری کرتے ہوئے کہا کہ وہ اپنے فرائض منصبی انتہائی ایمانداری اور دیانتداری سے سرانجام دیں۔ امتحانی ڈیوٹی ایک قومی فریضہ ہے جس کی ادائیگی کیلئے ہم سب کو ہمہ وقت تیار رہنا چاہیے اور خلوصِ نیت سے اسے سرانجام دینا چاہیے۔ \378