اسکول جانے والی بچیوں کو تنگ کرنے والا اوباش لڑکا گرفتار

بچیوں نے ورچوئل ویمن پولیس اسٹیشن کے تعاون پر شکریہ ادا کیا

بدھ 22 مئی 2024 14:53

اسکول جانے والی بچیوں کو تنگ کرنے والا اوباش لڑکا گرفتار

لاہور (اُردو پوائنٹ اخبارتازہ ترین - این این آئی۔ 22 مئی2024ء) ورچوئل ویمن پولیس اسٹیشن نے طالبات کو ہراساں کرنے والے اوباش کو گرفتار کروا دیا۔ایمرجنسی ہیلپ لائن 15پر اسکول جاتی بچیوں کو تنگ کرنے کی اطلاع موصول ہوئی۔ کالر نے بتایا کہ ایک شخص روزانہ اسکول جانے والی بچیوں کا پیچھا کرتا اور اشارے کرتا ہے۔

(جاری ہے)

ورچوئل ویمن تھانے نے فوراً پولیس کو موقع پر بھجوایا، جس نے موقع پر ہی بچیوں کی نشاندہی پر ملزم کو گرفتار کر لیا۔

بچیوں نے ورچوئل ویمن پولیس اسٹیشن کے تعاون پر شکریہ ادا کیا۔ترجمان کے مطابق خواتین کسی بھی ایمرجنسی میں 15پر کال کر کے 2دبا کر ورچوئل ویمن پولیس اسٹیشن سے رابطہ کر سکتی ہیں۔ اب تک 6ہزار سے زائد کیسز میں خواتین ورچوئل وویمن پولیس اسٹیشن سے مدد حاصل کر چکی ہیں۔