![UrduPoint](https://photo-cdn.urdupoint.com/daily/images/Logos/up-logo-mobile-ur.png)
پاپوا نیوگنی: پہاڑی تودوں کی زد میں آئے سینکڑوں افراد کی ہلاکت کا خدشہ
یو این
اتوار 26 مئی 2024
22:00
![پاپوا نیوگنی: پہاڑی تودوں کی زد میں آئے سینکڑوں افراد کی ہلاکت کا خدشہ](https://photo-cdn.urdupoint.com/show_img_new/daily/todayNewsLive/2024/800x400/pic_1716742805_03c36.jpg._2)
اسلام آباد (اُردو پوائنٹ ۔ UN اردو۔ 26 مئی 2024ء) عالمی ادارہ مہاجرت (آئی او ایم) نے بتایا ہے کہ پاپوا نیوگنی میں جمعے کو ہونے والی لینڈ سلائیڈنگ کے بعد 670 افراد مٹی کے تودوں تلے دب گئے ہیں جن کے زندہ بچ جانے کی امیدیں وقت کے ساتھ دم توڑتی جا رہی ہیں۔
ملک میں 'آئی او ایم' کے سربراہ سرہان اکٹوپریک کے مطابق اس آفت کے نتیجے میں ملک کے شمالی پہاڑی صوبے انگا میں یمبالی نامی گاؤں مٹی کی چھ سے آٹھ میٹر تہہ تلے دب گیا ہے۔
اندازے کے مطابق، کم از کم 150 گھر لینڈ سلائیڈنگ کی زد میں آئے ہیں جن کے مکینوں کے زندہ بچنے کے امکانات اب بہت محدود رہ گئے ہیں۔ unicef
آئی ایم او کے علاوہ اقوام متحدہ اور حکومتی امدادی اداروں کے کارکن بھی جائے حادثہ پر موجود ہیں۔
(جاری ہے)
امدادی کوششیں
پاپوا نیوگنی میں اقوام متحدہ کے دفتر کی جانب سے جاری کردہ بیان میں کہا گیا ہے متاثرہ علاقے میں مواصلاتی نظام اور سڑکوں کو نقصان پہنچا ہے۔ ہنگامی امدادی اقدامات کے لیےسرکاری محکموں، پولیس، افواج اور اقوام متحدہ کے اداروں پر مشتمل ٹیم بنا دی گئی ہے جو خوراک، پناہ اور طبی سازوسامان کے حوالے سے بنیادی ضروریات کا تعین کر رہی ہے۔
لینڈ سلائیڈنگ کے بعد اس علاقے میں تقریباً ایک ہزار لوگ بے گھر ہو گئے ہیں اور جانی نقصان میں اضافے کا خدشہ ہے۔
سرہان اکٹوپریک کا کہنا ہے کہ امدادی کارکن لوگوں اور لاشوں کی تلاش کے لیے بیلچوں اور لاٹھیوں سمیت ہر دستیاب شے سے کام لے رہے ہیں۔ انگا صوبے کو جانے والی واحد سڑک کے بڑے حصے پر پہاڑی تودوں کا ملبہ گرا ہے جس کے بعد جائے حادثہ تک رسائی آسان نہیں رہے۔
متوقع طور پر آج بھاری مشینری متاثرہ علاقے میں پہنچ جائے گی جس سے ملبہ ہٹانے میں آسانی ہو گی۔ان کا کہنا ہے کہ اقوام متحدہ صورتحال کا بغور جائزہ لے رہا ہے اور امدادی کارروائیوں کے لیے قومی و صوبائی حکام بشمول دیگر شراکت داروں کے ساتھ رابطے میں ہے تاکہ نقصان، ہلاکتوں اور درکار مدد کا درست اندازہ لگایا جا سکے۔
مزید اہم خبریں
-
وزیر اعلیٰ مریم نواز کا ہرڈویژن میں مریم کی دستک ایپ کی65 سروسز شروع کرنے کا حکم ،تمام اضلاع میں سروسزکی دسمبر تک فراہمی کی ہدایت
-
موٹرسائیکل سواروں کو سستا پیٹرول فراہم کرنے کا طریقہ کار وضع کیا جائے
-
سفارتکاری کے شعبے میں پاکستانی خواتین سفارتکاروں کی خدمات قابل تعریف ہیں، نائب وزیر اعظم و وزیر خارجہ اسحاق ڈار
-
وزیراعظم محمد شہبازشریف کی قومی اسمبلی کے اجلاس میں شرکت
-
ابھرتی ہوئی ٹیکنالوجیز پاکستان کیلئے چیلنجز ،بھر پور استفادہ کرنا چاہیے، احسن اقبال
-
عزم استحکام آپریشن سے قبل تمام سٹیک ہولڈرز کو اعتماد میں لیا جائے‘علی امین گنڈاپور
-
قبائل ارکان اسمبلی کی وزیرخزانہ سے ملاقات،860 ارب دینے کا وعدہ کیا تھا مگر ابھی تک 103 ارب دئیے گئے ہیں‘ اسد قیصر
-
فیصل آباد،معمولی کلامی پر دوست نے فائرنگ کر کے 3 دوستوں کو موت کے گھاٹ اتار دیا
-
پاکستان کو فوجی آپریشن کی نہیں، سیاسی استحکام کی ضرورت ہے
-
سینیٹ نے فنانس بل 2024 کے لیے پبلک سیکٹر ڈیویلپمنٹ پروگرام پر 9 سفارشات سمیت 128 سفارشات پیش کردیں
-
تاجربرادری کی مشاورت سے فیصلے کرینگے،وزیرخزانہ
-
پیدل گھومنے والے افراد میں کمر درد کا خاتمہ بھی ممکن ہے.ماہرین
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.