ایشین چمپئن شپ جیتنے پر وہیل چیئر کرکٹ ٹیم کے لئے 15 لاکھ کا انعام

محسن نقوی کی خصوصی دعوت پر کھلاڑیوں کی قذافی سٹیڈیم میں ملاقات ،کارکردگی کو سراہا امید ہے وہیل چیئر کرکٹ ٹیم آئندہ بھی ٹورنامنٹس جیت کر پاکستان کا نام روشن کریگی‘ چیئرمین پی سی بی

پیر 27 مئی 2024 12:58

ایشین چمپئن شپ جیتنے پر وہیل چیئر کرکٹ ٹیم کے لئے 15 لاکھ کا انعام

لاہور (اُردو پوائنٹ اخبارتازہ ترین - این این آئی۔ 27 مئی2024ء) وہیل چیئر کرکٹ ٹیم کو مسلسل دوسری بار ایشین چمپئن شپ جیتنے پر 15 لاکھ کا انعام دے دیا گیا۔چیئرمین پاکستان کرکٹ بورڈ کی خصوصی دعوت پر وہیل چیئرکرکٹ ٹیم کے کھلاڑیوں نے قذافی سٹیڈیم میں پی سی بی چیئرمین محسن نقوی سے ملاقات کی، محسن نقوی نے کھلاڑیوں کو ایشین چمپئن شپ جیتنے پر مبارکباد دی اور کارکردگی کو سراہا۔

(جاری ہے)

محسن نقوی نے کھلاڑیوں کی بھرپور حوصلہ افزائی کی اور 15لاکھ روپے کا چیک دیا، چیئرمین پی سی بی نے وہیل چیئر کرکٹ ٹیم کے لئے نیک خواہشات کا اظہار بھی کیا۔اس موقع پر گفتگو کرتے ہوئے چیئرمین پی سی بی محسن نقوی کا کہنا تھا کہ وہیل چیئر کرکٹ ٹیم کی کامیابیوں پر دلی خوشی ہوئی ہے، پی سی بی وہیل چیئرکرکٹ ٹیم کی سپورٹ جاری رکھے گا، امید ہے وہیل چیئر کرکٹ ٹیم آئندہ بھی ٹورنامنٹس جیت کر پاکستان کا نام روشن کرے گی۔وہیل چیئرکرکٹ ٹیم کے کھلاڑیوں نے قذافی سٹیڈیم بلا کر حوصلہ افزائی کرنے پر چیئرمین پی سی بی محسن نقوی کا شکریہ ادا کرتے ہوئے کہا کہ آپ نام کے ساتھ کرکٹ کے بھی محسن ہیں۔