حبا بخاری کی سیاہ جوڑے میں دلکش تصاویر مداحوں کے دلوں کو بھا گئیں

پیر 1 جولائی 2024 10:25

لاہور (اُردو پوائنٹ اخبارتازہ ترین - این این آئی۔ 01 جولائی2024ء) پاکستانی شوبز انڈسٹری کی خوبرو اداکارہ حبا بخاری کی سیاہ جوڑے میں تصاویر مداحوں کے دلوں میں گھر کر گئیں۔گزشتہ دنوں اداکارہ حبا بخاری نے اپنی 30 ویں سالگرہ ایک نجی ہوٹل میں منائی جس کی تصاویر انہوں نے فوٹو اینڈ ویڈیو شیئرنگ ایپ انسٹاگرام پر مداحوں کے ساتھ شیئر کیں۔

(جاری ہے)

مذکورہ تصاویر میں حبا بخاری سیاہ لباس میں ملبوس ایک ہوٹل میں دکھائی دے رہی ہیں جبکہ ان کے شوہر بھی ان کے ساتھ ہیں جو اہلیہ کی تصویر کیمرے میں قید کرنے میں مصروف نظر آئے۔

پوسٹ کے کیپشن میں اداکارہ نے لکھا کہ جی ہاں! میری سالگرہ ہے، یہاں تمام مداحوں کی پیاری خواہشات کے لئے بہت شکریہ۔مذکورہ پوسٹ کے بعد سوشل میڈیا صارفین کی جانب سے اداکارہ کو سالگرہ کی مبارکباد دینے کا سلسلہ شروع ہوگیا۔