ملک کی صرافہ مارکیٹوں میں سونے کی قیمت میں 2 ہزار 900 روپے کا بڑا اضافہ ہوگیا

فی تولہ سونے کی نئی قیمت بڑھ کر 3 لاکھ 62 ہزار200 روپے کی سطح پر پہنچ گئی، 10 گرام سونے کی قیمت میں 2 ہزار 487 روپے کا اضافہ ریکارڈ کیا گیا

ثنااللہ ناگرہ جمعرات 7 اگست 2025 20:24

ملک کی صرافہ مارکیٹوں میں سونے کی قیمت میں 2 ہزار 900 روپے کا بڑا اضافہ ..

کراچی ( اردوپوائنٹ اخبار تازہ ترین۔ آئی پی اے۔ 07 اگست 2025ء ) عالمی مارکیٹ میں سونے کی قیمتوں میں اتار چڑھاؤ کا سلسلہ جاری ہے، عالمی منڈی میں سونے کے نرخ بڑھنے پر پاکستان میں بھی قیمتوں میں نمایاں اضافہ ہوگیا ہے۔ میڈیا رپورٹ کے مطابق عالمی مارکیٹ میں سونے کی قیمتوں میں اضافہ ہونے کے باعث پاکستان میں بھی سونے کی قیمت بڑھ گئی ہے۔ بڑے اضافے کے بعد فی تولہ سونے کی نئی قیمت بلند ترین سطح پرپہنچ گئی ہے۔

آج ملک میں فی تولہ سونے کی قیمت میں 2 ہزار 900 روپے کا بڑا اضافہ ہوا ہے۔ جس کے باعث فی تولہ سونے کی قیمت بڑھنے کے بعد مقامی صرافہ بازاروں میں نئی قیمت 3 لاکھ 62 ہزار 200 روپے کی بلند ترین سطح پر پہنچ گئی ہے۔ اسی طرح دس گرام سونے کی قیمت بھی بڑھ گئی ہے۔ 10 گرام سونے کی قیمت میں 2 ہزار 487 روپے کا اضافہ ہوا ہے۔

(جاری ہے)

نئی قیمت 3 لاکھ 10 ہزار 528 روپے کی سطح پر پہنچ گئی ہے۔

عالمی مارکیٹ میں سونے کی قیمت 29 ڈالرز فی اونس اضافے کے بعد 3 ہزار395 ڈالرز فی اونس ہو گئی۔

دوسری جانب پاکستان کی برآمدات میں ماہانہ بنیاد پر نو فیصد کے قریب اضافہ ہواہے ، جولائی 2025 میں ملکی برآمدات کا حجم دو ارب 69 کروڑ 70 لاکھ ڈالر ریکارڈ کیا گیا، اس دوران درآمدات 12.37 بڑھیں جبکہ سالانہ بنیاد پر تجارتی خسارہ 44 فیصد سے زائد ریکارڈ کیا گیا ۔

وفاقی ادارہ شماریات کے جاری تجارتی اعدادوشمار کے مطابق موجودہ مالی سال کے پہلے ماہ جولائی میں ملکی برآمدات میں 8.88 فیصد اضافہ ریکارڈ کیا گیا۔ جون 2025 میں برآمدات دو ارب 47 کروڑ ارب ڈالر تھیں۔ اس دوران درآمدات کا حجم 5 ارب 44 کروڑ ڈالر رہا ۔ یوں جون کے مقابلے جولائی میں تجارتی خسارہ 16 فیصد بڑھ کر دو ارب 75 کروڑ ڈالر تک رہا جبکہ جولائی دو ہزار 2024 میں تجارتی خسارہ ایک ارب نوے کروڑ نوے لاکھ ڈالر تھا ۔