متحدہ عرب امارات بڑی ٹریول مارکیٹ کی فہرست میں شامل

خطے کے ایئرپورٹس پر جولائی کے دوران تقریبا دو کروڑ 35 لاکھ نشستیں مسافروں کو فراہم کی گئیں،رپورٹ

بدھ 10 جولائی 2024 17:14

ابوظہبی (اُردو پوائنٹ اخبارتازہ ترین - این این آئی۔ 10 جولائی2024ء) دنیا بھر کیایئرپورٹس اور ایئرلائنز کا ڈیٹا فراہم کرنے والے انٹرنیشنل ادارے (او اے جی)کی رپورٹ میں بتایا گیا ہے کہ متحدہ عرب امارات کو بڑی ٹریول مارکیٹ کی فہرست میں شامل کیا گیا ہے جو مسلسل ترقی کررہی ہے۔

(جاری ہے)

عرب ٹی وی کے مطابق رپورٹ میں بتایا گیا ہے کہ رواں سال جولائی میں امارات کے ایئرپورٹس پر کام کرنے والی ایئرلائنز کے پاس یکطرفہ بین الاقوامی پروازوں کی 73 لاکھ سے زیادہ شیڈولڈ نشستیں ہیں جو گزشتہ سال کے اسی عرصے کے مقابلے میں تقریبا 6 لاکھ زیادہ ہیں۔

امارات، مشرق وسطی میں طے شدہ نشتوں کی گنجائش کا 31 فیصد حصہ رکھتا ہے۔ خطے کے ایئرپورٹس پر جولائی کے دوران تقریبا دو کروڑ 35 لاکھ نشستیں مسافروں کو فراہم کی گئیں۔ او اے جی کی رپورٹ میں متحدہ عرب امارات کو بڑی ٹریول مارکیٹ کی فہرست میں شامل کیا گیا ہے جو مسلسل ترقی کررہی ہے۔ یہاں کے ایئرپورٹس مزید ایئرلائنز کو راغب کررہے ہیں۔ امارات میں آپریٹ کرنے والی ایئرلائنز مزید نئے مقامات کیلیے پروازوں کا آغاز کر کے اپنے نیٹ ورک کو وسعت دے رہی ہیں۔