مون سون کے دوران معمول سے زیادہ بارشوں کی پیشگوئی

ہوائیں بلوچستان میں داخل ، جولائی سے شروع ہونے والا مون سون بارشوں کا سلسلہ ستمبر تک جاری رہے گا

جمعرات 11 جولائی 2024 11:57

کوئٹہ(اُردو پوائنٹ اخبارتازہ ترین - این این آئی۔ 11 جولائی2024ء) محکمہ موسمیات نے بلوچستان میں اس سال مون سون کے دوران معمول سے زیادہ بارشوں کی پیشگوئی کی ہے۔محکمہ موسمیات کے مطابق مون سون کی ہوائیں بلوچستان میں داخل ہوچکی ہیں ، جولائی سے شروع ہونے والا مون سون بارشوں کا سلسلہ ستمبر تک جاری رہے گا اور اگست میں زیادہ بارشوں کا امکان ہے۔

(جاری ہے)

محکمہ موسمیات کا بتانا ہے کہ ڑوب، بارکھان، نصیر آباد، جعفر آباد، سبی اور خضدار مون سون کی رینج میں ہونے کی وجہ سے زیادہ بارشوں سے متاثر ہوسکتے ہیں جب کہ زیادہ بارشوں سے سیلاب اور لینڈ سلائیڈ نگ کے خطرات بھی موجودہیں۔ادھر بلوچستان حکومت نے مون سون بارشوں کے حوالے سے 17اضلاع کو ہائی رسک قرار دے کر انتظامیہ کو ہائی الرٹ کردیا ہے۔