294روز سے جاری کریک ڈائون میں بجلی چوروں کو 4ارب19کروڑ سے زائد کے ڈیٹکشن بل جاری

24 گھنٹوں کے دوران ریجن بھر میں 466ملزمان بجلی چوری میں ملوث پائے گئے‘ ترجمان لاہور الیکٹرک سپلائی کمپنی

جمعہ 19 جولائی 2024 12:12

294روز سے جاری کریک ڈائون میں بجلی چوروں کو 4ارب19کروڑ سے زائد کے ڈیٹکشن ..

لاہور(اُردو پوائنٹ اخبارتازہ ترین - این این آئی۔ 19 جولائی2024ء) لاہور الیکٹرک سپلائی کمپنی کی جانب سے بجلی چوروں کیخلاف جاری کریک ڈائون جاری ہے اور گزشتہ 24 گھنٹوں کے دوران ریجن بھر میں 466ملزمان بجلی چوری میں ملوث پائے گئے، جن میں سی132 ملزمان کے خلاف مقدمات درج ہوچکے ہیں جبکہ22کو گرفتار کیا گیا۔

(جاری ہے)

ترجمان کے مطابق پکڑے جانے والے کنکشنز میں 13 کمرشل،16زرعی اور437 ڈومیسٹک تھے،تمام کنکشنز منقطع کرکے ان کو5 لاکھ24 ہزار 211 یونٹس ڈٹیکشن بل کی مد میں چارج کئے گئے ہیں جن کی مالیت 1کروڑ84لاکھ98 ہزار131 روپے ہے۔

بجلی چوروں کے خلاف کئے جانے والے آپریشن میں بڑے کمرشل صارفین بھی بجلی چوری میں ملوث پائے گئے۔ ان تمام کے کنکشنز بھی منقطع کئے گئے اوران کو ڈٹیکشن یونٹس چارج کئے گئے۔ترجمان کے مطابق انسداد بجلی چوری مہم کو294روز مکمل ہوگئے ہیں، اس دوران کل1 لاکھ4ہزار877ملزمان بجلی چوری میں ملوث پائے گئے،89 ہزار594 ملزمان کے خلاف مقدمات درج کروا کر34 ہزار349 ملزمان کو گرفتار کرلیا گیا۔ بجلی چوروں کو اب تک11کروڑ67لاکھ75 ہزار 949 یونٹس چارج کئے گئے ہیں جن کی مالیت4ارب19کروڑ38 لاکھ12ہزار603 روپے ہے۔