وفاقی وزیرداخلہ محسن نقوی کے اسلام آاد کے ترقیاتی منصوبوں کے رات گئے تک دورے

جمعرات 1 اگست 2024 20:50

اسلام آباد (اُردو پوائنٹ اخبارتازہ ترین - این این آئی۔ 01 اگست2024ء) وفاقی وزیرداخلہ محسن نقوی نے اسلام آباد کے ترقیاتی منصوبوں کے طوفانی دورے کیے، وزیر داخلہ محسن نقوی نے 3 منصوبوں کے رات گئے سے صبح تک 4 گھنٹے تک دورے کیے۔ چیف کمشنر اسلام آباد و چیئرمین سی ڈی اے محمد علی رندھاوا نے وفاقی وزیرداخلہ محسن نقوی کو بریفنگ دی۔ وزیر داخلہ محسن نقوی نے اسلام آباد ایکسپریس وے اور پارک روڈ پروجیکٹس پر کام کی رفتار کا جائزہ لیا۔

وزیر داخلہ نے جناح کنونشن سنٹر کے اپ گریڈیشن کے کام کا بھی معائنہ کیا۔ وفاقی وزیرداخلہ محسن نقوی نے ایکسپریس وے کے 7۔6 کلو میٹر طویل روٹ کا دورہ کیا اور بھنڈر پل پر جاری تعمیراتی کاموں کا معائنہ کیا۔ وفاقی وزیر داخلہ نے پی ڈبلیو ڈی چوک سے ٹی چوک تک ایکسپریس وے پروجیکٹ کو 2 ماہ میں 100 فیصد مکمل کرنے کا حکم دیا اور ایکسپریس وے پروجیکٹ کو کنٹرولڈ کوریڈور بنانے کا پلان بھی طلب کرلیا۔

(جاری ہے)

ایف ڈبلیو او کے حکام نے منصوبے پر ہونے والی پیش رفت پر بریفنگ دی۔ وزیرداخلہ محسن نقوی نے ایف ڈبلیو او کے کیمپ آفس کے لان میں شجرکاری مہم کے تحت پودا لگایا۔ وزیرداخلہ محسن نقوی نے 2۔7 کلو میٹر طویل پارک روڈ کی تعمیر و گشادگی کے پروجیکٹ کا بھی جائزہ لیا اور منصوبے کو ستمبر سے قبل مکمل کرنے کی ہدایت دی۔ محسن نقوی نے کام کے دوران ٹریفک کی دیگر روٹس پر منتقلی کا پلان طلب کرتے ہوئیڈی آئی جی آپریشنز اور ایس ایس پی ٹریفک کو منصوبے کا دورہ کرکے قابل عمل پلان وضع کرنے کی ہدایت کی۔

وزیرداخلہ محسن نقوی نے جناح کنونشن سنٹر میں جاری اپ گریڈیشن کے کام کا معائنہ کیا اورجناح کنونشن سنٹر کے مختلف شعبوں کا وزٹ کیا۔ وزیرداخلہ محسن نقوی نے اپ گریڈیشن پروجیکٹ کو جلد اور اعلی معیار کے ساتھ مکمل کرنے کا حکم دیا۔