پیرس اولمپکس ، سلور میڈل جیتنے والے ترک شوٹر کا منفرد انداز مداحوں کو پسند آگیا

جمعہ 2 اگست 2024 22:28

پیرس (اُردو پوائنٹ اخبارتازہ ترین - آن لائن۔ 02 اگست2024ء) پیرس اولمپکس میں سلور میڈل جیتنے والے یوسف ڈیکیک اپنے منفرد شوٹنگ سٹائل کی وجہ سے سوشل میڈیا کی زینت بنے ہوئے ہیں۔ پیرس اولمپکس میں 10 میٹر پسٹل مکسڈ مقابلے میں شرکت کرنے والے ترک شوٹر یوسف ڈیکیک کی ایک ہاتھ جیب میں ڈالے، دونوں آنکھیں کھلی رکھے ، بغیر ہیڈ فونز اور گلاسز کے ٹارگٹ کا نشانہ لینے کی تصویر سوشل میڈیا پر وائرل ہوگئی ہے اور صارفین نے یوسف کے اس ’کول‘ انداز کو بہت پسند کیا ہے۔

شوٹنگ مقابلوں میں عام طور پر شوٹرز ہیڈ فونز اور مخصوص لینس گلاسز کا استعمال کرتے ہیں اور ایک آنکھ بند کرکے اپنا نشانہ لگاتے ہیں مگر یوسف نے اس سب کے بغیر ہی نشانہ لگایا۔ یوسف ڈیکیک اور ان کی شوٹنگ پارٹنر الیڈا ترحان 10 میٹر پسٹل مکسڈ مقابلے میں سلور میڈیل اپنے نام کرنے میں کامیاب ہوئے۔

(جاری ہے)

سوشل میڈیا پر اپنے منفرد انداز کی پذیرائی سے متعلق بات کرتے ہوئے یوسف نے کہا کہ میری شوٹنگ تکنیک بہت منفرد اور نایاب ہے، میں دونوں آنکھیں کھول کر نشانہ لگاتا ہوں اور یہ چیز دیکھ کر ریفریز بھی حیران رہ جاتے ہیں۔

انہوں نے کہا کہ میڈل جیتنے پر حیران نہیں کیونکہ میں نے اس سال بہت محنت کی تھی اور کامیابی صرف جیب میں ہاتھ رکھنے سے نہیں ملتی۔ سوشل میڈیا پر اپنا منفرد انداز وائرل ہونے پر یوسف کو مبارکباد دینے والوں اور ان کی تعریف کرنے والوں کا تانتا باندھ گیا۔

Facebook Twitter Google + Share on Whatsapp

پیرس اولمپکس ، سلور میڈل جیتنے والے ترک شوٹر کا منفرد انداز مداحوں کو پسند آگیا

متعلقہ عنوان :

مزید کھیلوں کی خبریں