بھارتی فاسٹ بولر محمد سراج نے ڈیل سٹین کی پیشگوئی درست ثابت کردی

سوشل میڈیا پر محمد سراج نے لکھا ’آپ نے کہا میں نے کر دیا، آپ کا کہنا میرے لیے قابل قدر ہے

ذیشان مہتاب منگل 5 اگست 2025 12:11

نئی دہلی (اردو پوائنٹ تازہ ترین۔ 5 اگست 2025ء ) بھارتی فاسٹ بولر محمد سراج نے جنوبی افریقہ کے سابق فاسٹ بولر ڈیل اسٹین کی پیش گوئی درست ثابت کر دی۔

ڈیل سٹین نے اوول ٹیسٹ سے ایک روز قبل محمد سراج کے 5 وکٹیں لینے کی پیش گوئی کی تھی۔

ڈیل اسٹین سوشل میڈیا پر پوسٹ شیئر کرتے ہوئے لکھا تھا کہ محمد سراج 5ویں ٹیسٹ میچ میں 5 وکٹیں لیں گے۔

ٹیسٹ میچ کے اختتام پر فاسٹ بولر محمد سراج نے ڈیل اسٹین کی پوسٹ کا جواب دیا۔

(جاری ہے)

فاسٹ بولر محمد سراج نے لکھا، ’آپ نے کہا میں نے کر دیا، آپ کا کہنا میرے لیے قابل قدر ہے۔

واضح رہے کہ محمد سراج نے اوول ٹیسٹ کی دوسری اننگز میں 104رنز دے کر 5 وکٹیں حاصل کی تھیں جبکہ انہوں نے پہلی اننگز میں 4 وکٹیں اپنے نام کی تھیں۔

محمد سراج نے سنسنی خیز لمحات میں انگلینڈ کی آخری وکٹ حاصل کی اور بھارت کو 6 رنز سے ٹیسٹ میں کامیابی دلائی تھی۔

محمد سراج اوول ٹیسٹ میں مین آف دی میچ قرار پائے۔

بھارت نے آخری ٹیسٹ میچ میں 6 رنز سے کامیابی حاصل کر کے سیریز دو دو سے برابر کی تھی۔