پنجاب میں 1234ٹریفک حادثات، 7افراد جاں بحق،1344زخمی ہوئے،ترجمان ریسکیو

جمعہ 9 اگست 2024 22:15

لاہور (اُردو پوائنٹ اخبارتازہ ترین - اے پی پی۔ 09 اگست2024ء) پنجاب بھرمیں 1234ٹریفک حادثات میں 7افراد جاں بحق اور1344زخمی ہوگئے،ترجمان ریسکیو کے مطابق ایمرجنسی سروسزڈیپارٹمنٹ نے گذ شتہ 24گھنٹوں کے دوران صوبہ بھر میں 1234ٹریفک حادثات پر ریسپانڈ کیا جن میں 582افراد شدید زخمی ہوگئے جنہیں فوری نزدیکی ضلعی و تحصیل ہسپتالوں میں منتقل کیا گیا جبکہ762معمولی زخمیوں کو ریسکیومیڈیکل ٹیموں نے جائے حادثہ پر بروقت طبی امداد فراہم کی، ریسکیو 1122کے صوبائی مانیٹرنگ سیل کو موصول ہونے والی ایمرجنسی کالز کے مطابق ان ٹریفک حادثات میں 700ڈرائیورز،63کم عمرڈرائیور، 490مسافراور161پیدل چلنے والے افراد متاثر ہوئے،ترجمان کے مطاق261ٹریفک حادثات کی فون کالز لاہور کنٹر ول روم میں موصول ہوئیں جس میں صوبائی درالحکومت288متاثرین کے ساتھ پہلے ،فیصل آباد 86حادثات میں 84متاثرین کے ساتھ دوسر ے اور ملتان73حادثات میں 73متاثرین کے سا تھ تیسرے نمبرپررہا۔