لندن لیسٹر اسکوائر پر چاقو کے حملے میں 11 سالہ بچی شدید زخمی ہوگئی

حملے میں بچی کی والدہ بھی زخمی‘پولیس نے ایک مشتبہ شخص کو گرفتار کرلیا

میاں محمد ندیم منگل 13 اگست 2024 12:29

لندن لیسٹر اسکوائر پر چاقو کے حملے میں 11 سالہ بچی شدید زخمی ہوگئی

لندن(اردوپوائنٹ اخبارتازہ ترین-انٹرنیشنل پریس ایجنسی۔13 اگست ۔2024 ) لندن کے لیسٹر اسکوائر پر چاقو کے حملے میں 11 سالہ بچی شدید زخمی ہوگئی ہے پولیس نے ایک 32 سالہ مشتبہ شخص کو گرفتار کر لیا برطانوی نشریاتی ادارے کے مطابق پولیس نے بتایا کہ متاثرہ بچی کو مقامی ہسپتال میں طبی امداد کے لیے داخل کروادیا گیا ہے تاہم بچی کی حالت خطرے سے باہر بتائی جارہی ہے جبکہ کے مطابق 34 سالہ والدہ بھی واقعے میں زخمی ہوئی ہیں.

(جاری ہے)

اپنے ایک بیان میں پولیس نے بتایا کہ جائے وقوعہ سے 32 سالہ شخص کو گرفتار کیا گیا ہے جبکہ اس واقعے کی تحقیقات میں کسی اور مشکوک شخص کو شامل نہیں کیا جا رہا ہے ڈیٹیکٹیو چیف سپرنٹنڈنٹ کرسٹینا جیسا نے بتایا کہ واقعے کی فوری تحقیقات جاری ہیں جبکہ جائے وقوعہ پر دراصل کیا ہوا؟ اسی حوالے سے تحقیقاتی ٹیمیں کام کر رہی ہیں. پولیس کا کہنا ہے کہ اب تک کی تحقیقات میں مشکوک شخص اور خاتون کے درمیان تعلق کی معلومات نہیں ہیں، اگرچہ اس کیس میں مشکوک شخص کے عزائم کے حوالے سے ہر پہلو پر غور کیا جا رہا ہے تاہم واقعے میں دہشت گردی کا عنصر نمایاں نہیں.

واضح رہے اس واقعے سے دو ہفتے قبل شمال وسطی برطانیہ کے علاقے ساﺅتھ پورٹ میں بھی چاقو کے وار سے 3 لڑکیاں ہلاک ہوگئی تھیں جبکہ 2 نوجوانوں سمیت 8 بچے زخمی ہوگئے تھے چاقو کے حملوں کے بڑھتے واقعات کے بعد آن لائن افواہ وائرل تھی جس کے مطابق حملہ آور مسلمان ہے اس کے بعد سے برطانیہ میں پر تشدد مظاہروں میں اضافہ ہوا ہے، جبکہ ایک برطانوی نو عمر قتل اور قتل کی کوشش کے الزام میں گرفتار ہو چکا ہے. موقع کے گواہ سیکورٹی گارڈ نے بتایا کہ لسسٹر اسکوائر پر حملہ آور سے مزاحمت میں چاقو قبضے میں لیا جو 11 سالہ بچی پر حملہ آور تھا مقامی اسٹور میں ڈیوٹی کرنے والے 29 سالہ سیکورٹی گارڈ عبداللہ نے بتایا کہ نوعمر بچی کی چیخ کی آواز سنی اور دیکھا کہ ایک شخص بچی پر چاقو سے حملہ کر رہا ہے.