کرکٹ بورڈ کی 4 بااثر شخصیات کو خلاف ضابطہ الاؤنسز دیئے جانیکا انکشاف

نجم سیٹھی کو 46 لاکھ 60 ہزارروپے ، شکیل شیخ کو 40 لاکھ 60 ہزار، ایذید سید کو 39 لاکھ، محمد ہارون رشید کو 35 لاکھ روپے کی ادائیگیاں کی گئیں

ذیشان مہتاب پیر 19 اگست 2024 12:09

کرکٹ بورڈ کی 4 بااثر شخصیات کو خلاف ضابطہ الاؤنسز دیئے جانیکا انکشاف

لاہور (اردو پوائنٹ تازہ ترین اخبار۔ 19 اگست 2024ء ) پاکستان کرکٹ بورڈ کے بورڈ آف گورنرز اجلاس کے بغیر ہی 4 بااثر ممبران کو خلاف ضابطہ الاؤنسز دیئے جانیکا انکشاف، آڈیٹر جنرل کی ادایگیاں خلاف ضابطہ قرار دیتے ہوے ریکوری کرنے کی سفارش کردی۔ تفصیلات کے مطابق آڈیٹر جنرل کی رپورٹ کے مطابق پی سی بی کے 4 بااثر ممبران کو1 کروڑ 17 لاکھ کی اضافی ادائیگیاں کی گئیں ، سابق چیئرمین نجم سیٹھی ، شکیل شیخ، اعزاد سید ، سابق کرکٹر ہارون رشید اضافی ادائیگیاں لینے والوں میں شامل ہیں ، دسمبر2022ء سے جون 2023ء تک بورڈ کے صرف 5 اجلاس ہوئے ، چاروں ممبران نے 5 روز اجلاس میں شرکت کی لیکن ڈیلی اورمیٹنگ الاونس کی مد میں 116 روز کی ادائیگیاں کی گئیں ، چاروں ممبران کو فروری ، مارچ ، اپریل اور جون کی ادائیگیاں کی گئیں۔

(جاری ہے)

جن میں نجم سیٹھی کو 46 لاکھ 60 ہزارروپے ، شکیل شیخ کو 40 لاکھ 60 ہزار، ایذید سید کو 39 لاکھ، محمد ہارون رشید کو 35 لاکھ روپے کی ادائیگیاں کی گئیں جسے آڈیٹر جنرل نے خلاف ضابطہ قرار دیا ہے۔ رپورٹ کے مطابق پی سی بی ممبرز کو میٹنگ الاؤنس کی مد میں 10 ہزار فی اجلاس جبکہ ڈیلی الاؤنس کی مد میں 25 ہزارروپے دیا جاتا ہے ، 4 ممبران کومکمل حاضری کے بغیر اضافی 1 کروڑ 17 لاکھ ادائیگیاں ہوئیں، لاہورکے رہائشی ہونے کے باوجود خلاف ضابطہ میٹنگ اور یومیہ الاؤنس دیا گیا۔