&پی ٹی آئی کور کمیٹی کا جیل انتظامیہ کی جانب سے بانی چیئرمین کیساتھ رویے پر تحفظات کا اظہار

جمعہ 30 اگست 2024 21:20

oاسلام آباد(اُردو پوائنٹ اخبارتازہ ترین - آن لائن۔ 30 اگست2024ء) پاکستان تحریک انصاف کی کور کمیٹی نے جیل انتظامیہ کی جانب سے بانی چیئرمین کیساتھ رویے پر تحفظات کا اظہارکیا ہے اور قومی اسمبلی میں کوئی بھی آئین سے متصادم بل کی مخالفت کرنے کا فیصلہ کیا گیاہے۔پاکستان تحریک انصاف نے کور کمیٹی کا اعلامیہ جاری کردیا۔ اعلامیہ کے مطابق بانی پی ٹی آئی کے کہنے پر 12 ربیع الاول مذہبی جوش و خروش سے منایا جائے گا،اسلام آباد سمیت صوبائی دارالحکومت میں ربیع الاول کے حوالے سے پروگرامات ہونگے۔

اعلامیہ کے مطابق جیل انتظامیہ کی جانب سے بانی چیئرمین کیساتھ رویے پر تحفظات کا اظہار کیا گیا،کور کمیٹی نے آکسفورڈ یونیورسٹی کا چانسلر بننے کے بانی چیئرمین کے فیصلے کو سراہا، 8 ستمبر کا جلسہ تاریخی جلسہ ہوگا، کمیٹیوں کو کام حوالے کردیا گیا۔

(جاری ہے)

اعلامیہ کے مطابق قومی اسمبلی میں کوئی بھی آئین سے متصادم بل کی مخالفت کرنے کا فیصلہ کیا گیا، کوئی بھی بل جس سے عدلیہ کی آزادی متاثر ہوگی اس کو عدالت میں چیلنج کیا جائے گا۔اعلامیہ میںکہا گیا کہ این اے 181، این اے 154 اور این اے 79 میں دوبارہ گنتی میں پی ٹی آئی کے امیدواروں کی ہار پر بھی تحفظات کا اظہار کیا گیا،کور کمیٹی نے این اے 171 رحیم یار خان میں حسان مصطفی کو پارٹی ٹکٹ جاری کرنے کا فیصلہ کیا ہے۔