گورنرسندھ کامران خان ٹیسوری کو ان کی خدمات پر ایتھوپیا کا اعلیٰ ترین اعزاز دیا گیا

منگل 10 ستمبر 2024 22:27

کراچی (اُردو پوائنٹ اخبارتازہ ترین - آن لائن۔ 10 ستمبر2024ء) گورنر ہائوس میں منعقدہ ایتھوپیئن کلچر شو میں ایتھوپیا کے سفیر/خصوصی ایلچی ڈاکٹر جمال بیکر نے گورنر سندھ کامران خان ٹیسوری کو دوطرفہ تعلقات کے استحکام میں اعلیٰ ترین خدمات پر ایتھوپیا کے اعلیٰ ترینEthio-Pak Frantenity Awardسے نوازا۔

(جاری ہے)

اس موقع پر ایتھوپیا کے سفیر نے دو طرفہ عوامی تعلقات کے فروغ میں گورنر سندھ کے کردار کی تعریف کرتے ہوئے کہا کہ دوطرفہ تعلقات کے استحکام میں اعلیٰ ترین خدمات پر ایوارڈ دیا گیا ہے گورنر سندھ نے ایتھوپیئن ایئرلائن شروع کرانے میں اہم کردار ادا کیا تھا۔

گورنر سندھ نے ایتھوپیا کا اعلیٰ ترین اعزاز دینے پر ایتھوپیئن سفیر ڈاکٹر جمال بیکر کا شکریہ ادا کرتے ہوئے کہا کہ پاک ایتھوپیا دو طرفہ تعلقات آج انتہائی مستحکم ہوچکے ہیں۔