استاد نصرت فتح علی خان کی گمشدہ البم ’’چین آف لائٹ ‘‘ریلیز ہو گئی

ْالبم میں 4قوالیاں ’’یا اللہ یا رحمان، آج سکھ متراں دی، یا غوث یا میر اور خبرم رسید امشب ‘‘شامل

ہفتہ 21 ستمبر 2024 18:13

استاد نصرت فتح علی خان کی گمشدہ البم ’’چین آف لائٹ ‘‘ریلیز ہو گئی

لاہور (اُردو پوائنٹ اخبارتازہ ترین - این این آئی۔ 21 ستمبر2024ء) دنیائے موسیقی کے بے تاج بادشاہ استاد نصرت فتح علی خان کے انتقال کی17برس بعد ان کی آواز میں ریکارڈ کی گئی آخری البم چین آف لائٹ ریلیز کر دی گئی۔فوٹو اینڈ ویڈیو شیئرنگ پلیٹ فارم انسٹاگرام پر لیجنڈری پاکستانی قوال استاد نصرت فتح علی خان کے آفیشل اکانٹ سے جاری ہونے والے پیغام کے مطابق 30 برس سے زائد عرصے سے گمشدہ البم چین آف لائٹ ریلیز کی گئی ہے۔

(جاری ہے)

انسٹا اکائونٹ پر ایک مختصر ویڈیو بھی شیئر کی گئی ہے جس میں موسیقار پیٹر گیبریئل نے اس گمشدہ البم کی ریئل ورلڈ اسٹوڈیوز کے آرکائیو سے دوبارہ دریافت کی کہانی بیان کی ہے۔یہ البم ویڈیو شیئرنگ پلیٹ فارم یوٹیوب پر ریئل ورلڈ ریکارڈنگ اسٹوڈیوز کے اکانٹ پر مداحوں کے لیے دستیاب ہے۔یہ البم 1990 میں ریئل ورلڈ اسٹوڈیوز میں ریکارڈ کی گئی تھی، 41منٹ پر مشتمل اس البم میں 4 قوالیاں شامل ہیں، جن میں یا اللہ یا رحمان، آج سکھ متراں دی، یا غوث یا میر اور خبرم رسید امشب شامل ہیں۔