ہانیہ عامر دنیا کی 10 خوبصورت اداکاراوں کی فہرست میں شامل

دنیا کی 10 خوبصورت ترین اداکاراوں کی فہرست میں پانچویں نمبر پر بولی وڈ اداکارہ کرتی سنن ہیں

جمعہ 15 اگست 2025 13:20

ہانیہ عامر دنیا کی 10 خوبصورت اداکاراوں کی فہرست میں شامل

کراچی (اُردو پوائنٹ اخبارتازہ ترین - این این آئی۔ 15 اگست2025ء)اپنی اداکارہ اور اداوں سے مداحوں کا دل جیتنے والی اداکارہ ہانیہ عامر نے ایک اور عالمی اعزاز اپنے نام کرلیا، انہیں دنیا کی خوبصورت ترین اداکاراوں کی فہرست میں شامل کرلیا گیا۔ہانیہ عامر واحد پاکستانی اداکارہ بنیں، جنہیں خوبصورت ترین اداکاراوں کی فہرست میں شامل کیا گیا ہے۔ہانیہ عامر کو فلموں، ڈراموں اور ویب سیریز کو ریٹنگ دینے اور شوبز شخصیات کے پروفائل بنانے والی کمپنی انٹرنیٹ مووی ڈیٹا بیس(آئی ایم بی ڈی) نے اپنی فہرست میں شامل کیا ہے۔

(جاری ہے)

آئی ایم بی ڈی نے سال 2025 اور 2026 کی 10 خوبصورت ترین اداکاراوں کی فہرست جاری کرتے ہوئے ہانیہ عامر کو دنیا کی چھٹی خوبصورت اداکارہ قرار دیا۔جاری کردہ فہرست میں دسویں نمبر پر ترک اداکارہ و ماڈل ہاندے آرچل (Hande Erel) ہے جو اپنی فلموں کی وجہ سے کافی مقبول ہیں۔فہرست میں نویں نمبر پر ہولی وڈ اداکارہ امبر ہرڈ ہیں، آٹھویں نمبر پر اداکارہ و پروڈیوسر ایما واٹسن جب کہ ساتویں نمبر پر آنا دی آرمس کو رکھا گیا ہے۔دنیا کی 10 خوبصورت ترین اداکاراوں کی فہرست میں پانچویں نمبر پر بولی وڈ اداکارہ کرتی سنن ہیں جو اس فہرست میں شامل واحد بھارتی اداکارہ ہیں۔