عالیہ بھٹ ویڈیو بنانے والے پاپا رازی کیمرہ مین پر برہم

عالیہ پیڈل بال کا گیم کھیلنے جا رہی تھیں، فوٹوگرافرز نے انہیں دیکھ کر ان کا پیچھا شروع کر دیا

جمعہ 15 اگست 2025 12:28

عالیہ بھٹ ویڈیو بنانے والے پاپا رازی کیمرہ مین پر برہم

ممبئی (اُردو پوائنٹ اخبارتازہ ترین - این این آئی۔ 15 اگست2025ء)بالی ووڈ اداکارہ عالیہ بھٹ ممبئی میں اس وقت پاپا رازی کیمرہ مین پر ناراض ہوئیں جب وہ بلا اجازت عالیہ کے پیچھے ایک نجی عمارت میں ان کی ویڈیو بنانے کے لیے داخل ہوئے، عالیہ وہاں پر پیڈل بال کا گیم کھیلنے جا رہی تھیں۔بتایا جاتا ہے کہ فوٹوگرافرز نے انہیں دیکھ کر ان کا پیچھا شروع کر دیا تھا۔

(جاری ہے)

اس موقع پر عالیہ بھٹ ان پر ناراض ہوئیں اور کہا کہ باہر جائو۔ایک ویڈیو جو منظرِ عام پر آئی ہے، اس میں عالیہ بھٹ کو اپنی گاڑی سے اترتے ہوئے دیکھا جا سکتا ہے، جہاں وہ پاپارازی کیمرہ مین سے سختی سے کہتی ہیں کہ وہ وہاں سے چلے جائیں، گیٹ کے اندر نہ آئیں، یہ آپ کی بلڈنگ نہیں ہے۔وہ ناراض نظر آئیں کیونکہ فوٹوگرافرز ان کی ویڈیو بناتے رہے۔بار بار کہنے کے باوجود جب وہ وہاں سے نہ ہٹے تو عالیہ نے ایک بار پھر ان سے درخواست کی کہ وہ ان کی پرائیویسی کا احترام کریں، اس کے بعد وہ اندر چلی گئیں۔