بچوں کے ہراساں کیے جانے پر بزرگ والدین کی گھر کے ٹینک میں چھلانگ لگا کر خودکشی

واقعہ راجستھان میں پیش آیا، سوسائڈ نوٹ میں ساری حقیقت لکھ کر میاں بیوی نے خودکشی کی،بھارتی میڈیا

جمعہ 11 اکتوبر 2024 13:39

جے پور(اُردو پوائنٹ اخبارتازہ ترین - این این آئی۔ 11 اکتوبر2024ء) بھارتی ریاست راجستھان میں والدین اپنے ہی بچوں اور اہلخانہ کے ہراساں کیے جانے پر گھر کے پانی کے ٹینک میں چھلانگ لگا کر خودکشی کرلی۔بھارتی میڈیا کے مطابق واقعہ راجستھان کے ناگور میں پیش آیا۔ 70 سالہ رام بشنوئی اور اس کی 68 سالہ بیوی چاولی دیوی نے خودکش سے قبل گھر کے دیواروں پر خودکشی کرنے کی تفصیل بتائی۔

(جاری ہے)

پولیس کو گھر کی دیواروں پر چسپاں ملے سوسائڈ نوٹ میں اس شخص نے اپنے بیٹوں، بہوں اور دیگر رشتہ داروں پر جائیداد کے معاملے پر ہراساں کرنے کا الزام لگایا۔پڑوسیوں نے جوڑے کی عدم موجودگی پر پولیس کو اطلاع کی۔ پولیس نے وقوعہ پر پہنچی اور ٹینک کا ڈھکن کھلا اور جہاں جوڑے کی لاشیں پانی میں تیررہی تھیں۔ایس ایچ او نے کہا کہ وشنوئی کے پیچھے چھوڑے گئے ایک نوٹ کے مطابق، اس کے بیٹوں اور رشتہ داروں کی طرف سے اسے ہراساں کیا جا رہا تھا۔ معاملے کی مزید تفتیش جاری ہے۔