پاکستان پہلی اننگز میں 500 سے زائد رنز بناکر ٹیسٹ اننگ سے ہارنے والی پہلی ٹیم بن گئی

جمعہ 11 اکتوبر 2024 23:30

ملتان (اُردو پوائنٹ اخبارتازہ ترین - آن لائن۔ 11 اکتوبر2024ء) پاکستان ٹیسٹ کرکٹ کی پہلی اننگز میں 500 سے زائد رنز بنانے کے بعد اننگ سے میچ ہارنے والی پہلی ٹیم بن گئی۔ملتان کرکٹ اسٹیڈیم میں کھیلے گئے میچ میں پہلی اننگز میں پاکستان نے 556 رنز بنائے جس کے جواب میں انگلینڈ نے 7 وکٹوں کے نقصان پر 823 رنز بناکر اننگز ڈکلئیر کردی تھی۔مہمان انگلش ٹیم نے پاکستان کیخلاف 267 رنز کی برتری حاصل کرلی تھی۔

(جاری ہے)

دوسری اننگز میں قومی ٹیم کی بیٹنگ لائن ریت کی دیوار ثابت ہوئی اور محض 220 رنز بناکر ڈھیر ہوگئی، یوں گرین شرٹس کو اننگ اور 47 رنز سے شکست کا منہ دیکھنا پڑا۔قومی ٹیم ابتدائی 6 بلے باز محض 82 کے مجموعے پر پویلین لوٹے، جس میں کپتان شان مسعود 11، صائم ایوب، 25، عبداللہ شفیق صفر، بابراعظم 5، سعود شکیل 29 اور محمد رضوان 10 رنز بناسکے تھے۔ تاہم آغا سلمان اور عامر نے ساتویں وکٹ کی شراکت میں 109 کی پارنٹرشپ قائم کی، جو شکست کا مقدر نہ بدل سکی۔ پاکستان نے ملتان ٹیسٹ میں انگلینڈ کے ہاتھوں شکست کے ساتھ ٹیسٹ کرکٹ میں بدترین ریکارڈ بھی اپنے نام کیا۔