ن لیگ کے ممبرانِ اسمبلی کئی دہائیوں میں این اے 97 کی حالت زار نہیں بدل سکے

ْہماری کاوشوں سے انٹر چینج کی منظوری پر ن لیگ تختی لگانے کیلئے سرگرم ہیں‘ ہمایوں اختر خان

پیر 14 اکتوبر 2024 15:58

فیصل آباد (اُردو پوائنٹ اخبارتازہ ترین - این این آئی۔ 14 اکتوبر2024ء) سابق وفاقی وزیر ہمایوں اختر خان نے فیصل آباد میں این اے 97 میں علاقہ مکینوں سے ملاقات کی ہے۔اس ملاقات کے دوران ہمایوں اختر خان نے کہا کہ ن لیگ کے ممبرانِ اسمبلی کئی دہائیوں میں این اے 97 کی حالت زار نہیں بدل سکے۔

(جاری ہے)

اٴْنہوں نے مزید کہا کہ ہماری کاوشوں سے مرید والا انٹر چینج کی منظوری کے بعد ن لیگی ممبران تختی لگانے کے لیے سرگرم ہیں۔سابق وفاقی وزیر نے بتایا کہ وفاقی وزیر عبدالعلیم خان سے تفصیلی ملاقات ہوئی اور اس ملاقات میں ماموں کانجن اور این اے 97 کا دیرینہ مطالبہ ان کے سامنے رکھا ہے۔