’لڑائی جھگڑے‘ کے دوران شاہین آفریدی کا بابر اعظم کیلئے پیغام سوشل میڈیا پر وائرل

محض ایک سیریز میں شکست کے بعد شاہین کو ٹی 20 کپتانی سے ہٹاکر بابر کو دوبارہ ذمہ داریاں سونپی گئی جسکے بعد دونوں کے درمیان اختلافات کی خبریں گردش کررہی تھیں

ذیشان مہتاب منگل 15 اکتوبر 2024 14:11

’لڑائی جھگڑے‘ کے دوران شاہین آفریدی کا بابر اعظم کیلئے پیغام سوشل ..

لاہور(اردو پوائنٹ تازہ ترین اخبار ۔ 15 اکتوبر 2024ء ) قومی ٹیم کے سابق کپتان بابراعظم کی سالگرہ پر شاہین آفریدی نے نیک خواہشات کا اظہار کردیا۔ تفصیلات کے مطابق کپتانی کو لیکر شاہین شاہ آفریدی اور بابراعظم کے درمیان اختلافات کی خبروں کے بیچ فاسٹ بولر نے اپنے سابق کپتان کو سالگرہ پر مبارکباد کا پیغام بھیج کر مداحوں کے دل جیت لیے۔ انگلینڈ کے خلاف پہلے ٹیسٹ میں بدترین شکست کے بعد دوسرے اور تیسرے ٹیسٹ میچ سے باہر ہونے والے بابراعظم، شاہین شاہ آفریدی اور نسیم شاہ کو اسکواڈ سے ڈراپ کردیا گیا ہے، تینوں کرکٹرز کو آرام کی عرض سے گھر بھیجا گیا ہے۔

بابراعظم آج اپنی 30 ویں سالگرہ منا رہے ہیں جبکہ انہیں اسکواڈ سے ڈراپ کرنے پر سابق کرکٹرز و تجریہ کار بورڈ کو آڑے ہاتھوں لے رہے ہیں۔

(جاری ہے)

دوسری جانب شاہین آفریدی نے سوشل میڈیا پر بابراعظم کو سالگرہ کی مبارکباد پیش کی اور آنے والے سال کیلئے نیک خواہشات کا اظہار کیا۔

خیال رہے کہ خبریں سامنے سال 2023ء ون ڈے ورلڈکپ میں قومی ٹیم کی ناقص پرفارمنس کے بعد بابراعظم سے تینوں فارمیٹ کی کپتانی لے لی گئی تھی جبکہ شان مسعود کو ٹیسٹ اور شاہین شاہ آفریدی کو ٹی20 کا نیا کپتان نامزد کیا گیا تھا۔

تاہم فیصلہ زیادہ عرصہ نہ چل سکا اور محض ایک سیریز میں شکست کے بعد شاہین کو کپتانی سے ہٹاکر بابر اعظم کو دوبارہ ذمہ داریاں سونپ دی گئیں جس کے بعد دونوں کرکٹرز کے درمیان اختلافات کی خبریں گردش کررہی تھیں۔