ضلع نصیرآباد میں جاری ترقیاتی اسکیموں کے معیار پر کوئی سمجھوتا نہیں کیا جائے گا،ایکسئینمواصلات نصیرآباد

بدھ 30 اکتوبر 2024 17:49

ڈیرہ مراد جمالی (اُردو پوائنٹ اخبارتازہ ترین - اے پی پی۔ 30 اکتوبر2024ء) ایکسئین مواصلات نصیرآباد عبدالرحمٰن کاکڑ نے بلیک ٹاپ روڈ این اے 65 چھتر ٹو فلیجی، سید حسن شاہ ٹو طاہر کوٹ کورار بلیک ٹاپ قادر آباد، بیلک ٹاپ عبدالغفار پندرانی اور پیروپل کے مقام پر پٹ فیڈر کینال پر زیر تعمیر پل اور دیگر ترقیاتی منصوبوں کا دورہِ کیا۔ اس موقع پر ایس ڈی اوز بھی موجود تھے۔

(جاری ہے)

ایکزیکٹیو انجنئیر روڈز نصیرآباد عبدالرحمٰن کاکڑ نے ضلع نصیرآباد میں جاری تمام ترقیاتی منصوبوں کا تفصیل سے جاہزہ لیا اور اپنے اطمینان کا اظہار کرتے ہوئے کہا کہ ضلع نصیرآباد میں جاری تمام ترقیاتی منصوبے بہتر انداز میں مکمل ہونے کی جانب گامزن ہیں اور امید کرتے ہیں کہ یہ منصوبے اپنے وقت مقررہ پر مکمل ہونگے تاکہ ضلع نصیرآباد کے عوام کو ان ترقیاتی منصوبوں کے ثمرات ملنے کے ساتھ ساتھ علاقے میں ترقی اور معاشی خوشحالی ملے۔ اس موقع پر ایکسین مواصلات نصیرآباد عبدالرحمٰن کاکڑ نے اس عزم کا اظہار کرتے ہوئے کہا کہ ہماری اولین کوشش ہے کہ مذکورہ ترقیاتی منصوبے جلد از جلد مکمل ہوں۔\378