کراچی میں غیر ملکی شہریوں پر فائرنگ کا مقدمہ درج

مقدمہ فیکٹری کے سیکیورٹی انچارج کی مدعیت میں درج کیا گیا ہے اور مقدمے میں اقدام قتل اوردہشت گردی کی دفعات شامل

بدھ 6 نومبر 2024 19:35

کراچی میں غیر ملکی شہریوں پر فائرنگ کا مقدمہ درج

کراچی(اُردو پوائنٹ اخبارتازہ ترین - این این آئی۔ 06 نومبر2024ء) سائٹ ایریا کی فیکٹری میں غیرملکی شہریوں پر فائرنگ کا مقدمہ کرلیا گیا ، مقدمے میں اقدام قتل اوردہشت گردی کی دفعات شامل کی گئی ہے۔تفصیلات کے مطابق کراچی کے علاقے سائٹ ایریا کی فیکٹری میں غیرملکی شہریوں پر فائرنگ کا مقدمہ تھانہ سائٹ اے میں درج کرلیا گیا۔پولیس نے بتایا کہ مقدمہ فیکٹری کے سیکیورٹی انچارج کی مدعیت میں درج کیا گیا ہے اور مقدمے میں اقدام قتل اوردہشت گردی کی دفعات شامل کی گئی ہے۔

ایف آئی آر کے متن میں کہا ہے کہ غیرملکی شہری مشینری کی تنصیب میں مصروف تھے، سیکیورٹی گارڈ نے نامعلوم وجوہات پرغیرملکی شہریوں پر فائرنگ کی۔فائرنگ کے بعدگارڈفرار،موقع سے 9 ایم ایم پستول کے 16 خول ملے ، شریف اللہ نامی سیکیورٹی گارڈ5ماہ سے فیکٹری پرتعینات تھا۔

(جاری ہے)

مقدمے میں گارڈ اور غیر ملکی باشندوں کے درمیان جھگڑے کا ذکر نہیں کیا گیا4 غیر ملکی باشندے کمپنی میں مشینری تنصیبات کیلئے 2سیکیورٹی گارڈ کے ہمراہ آتے تھے، دونوں غیرملکی گزشتہ روز 8بجکر2 منٹ پرسیکیورٹی کے ہمراہ فیکٹری پہنچے تو سیکیورٹی گارڈ نے پہلی منزل پر آکر غیر ملکی باشندوں پر اندھا دند فائرنگ کی۔

دوسری جانب سائٹ ایریا کی فیکٹری میں نجی کمپنی میں دو چینی شہریوں کیزخمی ہونیکی تحقیقات جاری ہے ، بنارس،سائٹ ایریا، مومن آباد سے آٹھ مشتبہ افراد کو حراست میں لیا گیا۔