سموگ کی بدتر صورتحال کے پیش نظر سکولوں میں چھٹیوں میں توسیع کا امکان

تعلیمی سال صرف 120 دنوں تک محدود ،عالمی معیار کے مطابق 245 دنوں کا ہونا چاہیے

منگل 12 نومبر 2024 22:10

سموگ کی بدتر صورتحال کے پیش نظر سکولوں میں چھٹیوں میں توسیع کا امکان

لاہور(اُردو پوائنٹ اخبارتازہ ترین - این این آئی۔ 12 نومبر2024ء) سموگ کی بگڑتی صورتحال کے پیش نظر پنجاب حکومت کی جانب سے سکولوں میں چھٹیوں میں توسیع کا امکان ہے ، دوسری جانب پنجاب میں تعلیمی سال صرف 120 دنوں تک محدود رہ گیا جبکہ عالمی معیار کے مطابق تعلیمی سال 245 دنوں کا ہونا چاہیے۔

(جاری ہے)

سموگ کی صورتحال کے پیش نظر پہلی بار نومبر کے آغاز میں ہی چھٹیاں دے دی گئی ہیں،گزشتہ کچھ سالوں سے موسم سرما کی چھٹیوں بھی زیادہ ہو رہی ہیں۔آئندہ ماہ دسمبر میں ہونے والی موسم سرما کی چھٹیاں بھی قریب ہیں۔ذرائع کے مطابق تعطیلات کے باعث نویں ،دسویں جماعت کے طلبہ کو خصوصی نقصان ہو رہا ہے۔