خیبر پختونخواہ اسمبلی میں ممکنہ عسکری آپریشن کے خلاف قرارداد منظور

آپریشن کسی مسئلے کا حل نہیں کیونکہ اس سے پہلے بھی کئی آپریشن ہو چکے ہیں، مذاکرات کے ذریعے پائیدار حل تلاش کیا جائے، قرارداد کا متن

محمد علی ہفتہ 7 دسمبر 2024 00:17

پشاور ( اردوپوائنٹ اخبار تازہ ترین۔ 06 دسمبر 2024ء ) خیبر پختونخواہ اسمبلی میں ممکنہ عسکری آپریشن کے خلاف قرارداد منظور۔ تفصیلات کے مطابق خیبرپختونخواہ میں ممکنہ عسکری آپریشن کے حوالے سے اہم پیش رفت ہوئی ہے۔ خیبر پختونخواہ اسمبلی نے وادی تیراہ اور جانی خیل بنوں میں ممکنہ عسکری آپریشن کے خلاف قرارداد منظور کرلی۔ قرارداد کے متن کے مطابق آپریشن کسی مسئلے کا حل نہیں کیونکہ اس سے پہلے بھی کئی آپریشن ہو چکے ہیں، مذاکرات کے ذریعے پائیدار حل تلاش کیا جائے۔

(جاری ہے)

مشترکہ قرارداد میں مطالبہ کیا گیا کہ وادی تیراہ ضلع خیبر اور جانی خیل بنوں میں آپریشن سے گریز کیا جائے، اس سردی میں نقل مکانی سے عوام کو مشکلات کا سامنا کرنا پڑے گا۔ مشترکہ قرارداد پی ٹی آئی کے عبدالغنی اور جے یو آئی کے عدنان وزیر نے پیش کی۔ صوبائی اسمبلی نے قرارداد متفقہ طور پر منظور کرلی۔