چوہدری شافع حسین کا چین کے شہر شنگھائی میں انڈسٹریل اسٹیٹ کا دورہ ،مختلف شعبوں میں پیدا واری عمل کا جائزہ لیا

جمعرات 12 دسمبر 2024 23:01

لاہور (اُردو پوائنٹ اخبارتازہ ترین - آن لائن۔ 12 دسمبر2024ء) صوبائی وزیر صنعت و تجارت چوہدری شافع حسین نے چین کے شہر شنگھائی میں انڈسٹریل اسٹیٹ کا دورہ کیا۔صوبائی وزیر نے مختلف شعبوں میں پیدا واری عمل کا جائزہ لیا ۔چیئرمین چیلنج گروپ مسٹر ہوانگویگو،شہنگائی ٹیکسٹائل کے صدر مسٹر یانگ شی بن ،چیئرمین زونگ یوآنگ گروپ مسٹر چن زنگفو اور دیگر سے ملاقات کی۔

پنجاب کے ٹیکسٹائل سیکٹر اور دیگر شعبوں میں سرمایہ کے مواقع پر بات چیت ہوئی۔

(جاری ہے)

صوبائی وزیر صنعت و تجارت چوہدری شافع حسین نے کہاکہ پنجاب کے ٹیکسٹائل سیکٹر میں سرمایہ کاری کی وسیع گنجائش موجود ہے۔ قائدِ اعظم بزنس پارک شیخوپورہ میں 630ایکڑ رقبے پر گارمنٹ سٹی بن رہا ہے ۔پنجاب حکومت گارمنٹ سٹی میں صنعتی یونٹس لگانے کیلئے عمارتیں بناکر لیزپر دے گی ۔

چوہدری شافع حسین نے کہاکہ گارمنٹ سٹی مکمل طور پر سولر انرجی پر ہوگا۔صوبائی وزیر نے چین کے ٹیکسٹائل گروپ کو گارمنٹ سٹی میں سرمایہ کاری کی دعوت بھی دی۔چیئرمین چیلنج گروپ مسٹر ہوانگویگونے کہاکہ ہمارا گروپ پنجاب میں مزید سرمایہ کاری کرے گا۔ہمارے گروپ کی سالانہ ایکسپورٹ 80ملین یو ایس ڈالر ہے ۔پنجاب کے گارمنٹ سٹی میں بھی سرمایہ کاری کا جائزہ لیں گے ۔