کراچی‘ این اے 241 میں مبینہ دھاندلی کا کیس، الیکشن کمیشن کا فیصلہ معطل

سندھ ہائیکورٹ کے 2 رکنی بینچ نے خرم شیر زمان کی درخواست پرفیصلہ سنایا

پیر 16 دسمبر 2024 14:42

کراچی (اُردو پوائنٹ اخبارتازہ ترین - این این آئی۔ 16 دسمبر2024ء)کراچی میں این اے 241 میں مبینہ دھاندلی کے کیس میں پاکستان تحریک انصاف (پی ٹی آئی) کے امیدوار خرم شیر زمان نے الیکشن کمیشن کے فیصلے کے خلاف سندھ ہائیکورٹ سے رجوع کرلیا۔عدالت عالیہ کے 2 رکنی بینچ نے الیکشن کمیشن کا فیصلہ معطل کردیا، سندھ ہائیکورٹ کے 2 رکنی بینچ نے خرم شیر زمان کی درخواست پرفیصلہ سنایا۔

(جاری ہے)

سندھ ہائیکورٹ نے الیکشن کمیشن، وفاقی حکومت اور دیگر فریقین کو نوٹس جاری کردیے، عدالت نے فریقین سے 30 دسمبر تک جواب طلب کرلیا۔واضح رہے کہ پی ٹی ا?ئی کے رہنما خرم شیر زمان نے سندھ ہائیکورٹ میں دائر کی گئی درخواست میں موقف اپنایا تھا کہ الیکشن کمیشن کو انتخابی ٹربیونل کا جج تبدیل کرنے سے روکا جائے۔ان کے وکیل کے ذریعے دائر درخواست میں کہا گیا تھا کہ جسٹس عدنان اقبال چوہدری نے انتخابی عذرداری کی قانون کے مطابق سماعت کی ہے، الیکشن کمیشن من پسند فیصلے کے لیے جسٹس عدنان اقبال چوہدری کو ہٹانا چاہتا ہے۔