پشاور ، ڈپٹی کمشنر ریونیودربارکاانعقاد،متعدد درخواستوں پرموقع پرحل کرنے کےاحکامات جاری کیے

بدھ 18 دسمبر 2024 22:48

پشاور (اُردو پوائنٹ اخبارتازہ ترین - اے پی پی۔ 18 دسمبر2024ء) صوبائی دارلحکومت پشاور میں عوام کی سہولت اور ان کے مسائل کے فوری حل اور نقولات و فردات و دیگر اسناد کی فراہمی کے لیے تحصیل سٹی اور تحصیل شاہ عالم کے لیے طہماس خان گراؤنڈ میں ڈپٹی کمشنر ریونیو دربار منعقد کیا گیا۔

(جاری ہے)

ریونیو دربار میں ڈپٹی کمشنر پشاور سرمد سلیم اکرم، اسسٹنٹ کمشنر سٹی داؤد سلیمی، اسسٹنٹ کمشنر سید ارحم مختیار، ایڈیشنل اسسٹنٹ کمشنر سلیم ایوبی، ایڈیشنل اسسٹنٹ کمشنر وسیم یوسف خٹک، ایڈیشنل اسسٹنٹ کمشنر الیاس خان سمیت دیگرمتعلقہ حکام نے شرکت کی۔

اس موقع پر درخواست دہندگان نے ریونیو دربار میں ڈپٹی کمشنر پشاور سے ملاقات کر کے اپنے مسائل کےبارے میں بتایا۔ریو نیو دربار میں بیشتر درخواستوں پر موقع پر ڈپٹی کمشنر پشاور نے حل کے حوالے سے احکامات جاری کیے۔ڈپٹی کمشنر پشاور سرمد سلیم اکرم کے مطابق ریونیو دربار لگانے کا مقصد عوامی مسائل کا ان کی دہلیز پر فوری حل ہے۔ انہوں نے کہا کہ عوامی مسائل کا فوری حل اولین ترجیحات میں شامل ہے اور اس کے لیے تمام ضروری اقدامات کیے جائیں گے۔