ًکوئٹہ کے علاقے مری آباد میں ہزارہ کمیونٹی کی جانب سے ایک کھلی کچہری کا انعقاد کیا گیا

منگل 24 دسمبر 2024 19:45

)کوئٹہ (آن لائن)کوئٹہ کے علاقے مری آباد میں ہزارہ کمیونٹی کی جانب سے ایک کھلی کچہری کا انعقاد کیا گیا ۔جس میں وفاقی محتسب ریجنل افس کوئٹہ کے ہیڈ جناب غلام سرور بروہی اور ڈپٹی رجسٹرار جناب امیر محمد رند نے شرکت کی ۔ تقریب سے خطاب کرتے ہوئے جناب سرور بروہی صاحب کا کہنا تھا کہ ہمارے ادارے کے قیام کا بنیادی مقصد عوام کو ریلیف فراہم کرنا ہے ۔

کسی بھی وفاقی محکمے کے خلاف کسی بھی قسم کی شکایت کے لیے وفاقی محتسب سے رابطہ کیا جا سکتا ہے ۔

(جاری ہے)

ہمارے دفاتر عوام کے لیے ہر وقت کھلے ہیں ۔تقریب سے خطاب کرتے ہوئے منتظمین نے وفاقی محتسب کے افسران کا شکریہ ادا کیا اور اس ادارے کو عوام کے لیے نعمت کا درجہ دیا ۔کھلی کچہری میں عوام کی کثیر تعداد موجود تھی جنہوں نے وفاقی محتسب کے افسران کے سامنے مختلف وفاقی محکموں کے مسائل رکھے ۔ اور افسران نے فوری طور پر ان کی شکایات نہ صرف سنی بلکہ انہیں حل کرانے کی یقین دہانی بھی کروائی ۔عوام نے وفاقی محتسب کے افسران کو اپنے درمیان پا کر خوشی کا اظہار کیا ۔