Live Updates

پولیس حملہ کیس،فلک جاوید کے جوڈیشل ریمانڈ میں 14دن کی توسیع

جمعرات 13 اگست 2026 16:22

لاہور(اُردو پوائنٹ اخبارتازہ ترین - این این آئی۔ 13 اگست2026ء) عدالت نے زمان پارک میں اسلام آباد پولیس پر حملے کے مقدمے میں فلک جاوید کے جوڈیشل ریمانڈ میں 14دنوں کی توسیع کر دی ۔انسداد دہشت گردی عدالت کے جج منظر علی گل نے کیس کی سماعت کی ۔صنم جاوید کی بہن فلک جاوید کو جوڈیشل ریمانڈ ختم ہونے پر جیل سے عدالت میں پیش کیا گیا۔

(جاری ہے)

تفتیشی افسرنے عدالت کوبتایاکہ ملزمہ اسلام آباد پولیس کے افسران پر زمان پارک میں حملہ میں ملوث ہے،ملزمہ سے پیٹرول بم برآمد ہوا،اسلام آباد پولیس طلبی سمن کی تعمیل کے لئے بانی پی ٹی آئی کی رہائش گاہ آئی تھی،مشتعل کارکنان نے پیٹرول بم پھینکے اور پولیس افسران کو زخمی کیا۔

پولیس نے ملزمہ کی جوڈیشل ریمانڈ میں توسیع کی استدعا کی جس پرعدالت نے جوڈیشل ریمانڈ میں 14دنوں کی توسیع کر دی اورپولیس کو مقدمے کا چالان جلد پیش کرنے کا حکم دیا۔پولیس پر حملے کا تھانہ ریس کورس میں مقدمہ نمبر 410/23 درج ہے۔