رومانیہ کی بحری افواج کے سربراہ کا پاکستان بحریہ کے نئے جنگی جہاز پی این ایس یمامہ کا دورہ

منگل 24 دسمبر 2024 20:20

راولپنڈی (اُردو پوائنٹ اخبارتازہ ترین - اے پی پی۔ 24 دسمبر2024ء) رومانیہ کی بحری افواج کے سربراہ نے پاکستان بحریہ کے نئے جنگی جہاز پی این ایس یمامہ کا دورہ کیا۔معزز مہمان وائس ایڈمرل میہائی پنائیت (Mihai Panait) کو جہاز کی آپریشنل صلاحیتوں پر تفصیلی بریفنگ دی گئی۔ آئی ایس پی آر کے مطابق اس موقع پر وائس ایڈمرل محمد فیصل عباسی اور رومانیہ کی نیول فورسز کے سربراہ کے درمیان ملاقات بھی ہوئی۔

(جاری ہے)

دونوں کمانڈرز نے بحری افواج کے مابین بڑھتے ہوئے تعلقات پر اطمینان کا اظہار اور تعاون کو مزیدمستحکم کرنے کا عزم کیا۔17 دسمبر کو کمیشن ہونے والے پی این ایس یمامہ نے رومانیہ کے بحری جہاز کے ساتھ اپنی پہلی بحری مشق کا بھی انعقاد کیا۔مشق کا مقصد دونوں بحری افواج کے مابین مشترکہ آپریشنز کی صلاحیت کو فروغ دینا تھا۔پی این ایس یمامہ پاک بحریہ کے ان چار جہازوں میں سے آخری جہاز ہے جو ڈیمین شپ یارڈز میں تعمیر کیے گئے۔اس سے قبل پاک بحریہ نے تین آف شور پٹرول ویسلز پی این ایس تبوک، پی این ایس یرموک اور پی این ایس حنین اپنے بیڑے میں شامل کیے۔