ولادیمیر پیوٹن، ڈونلڈ ٹرمپ سے بات چیت کیلئے تیار ہیں، روس

ماسکو کی دونوں رہنمائوں کے درمیان ملاقات کیلئے کوئی پیشگی شرائط نہیں ہیں،ڈمٹری پیشکوو

جمعہ 10 جنوری 2025 23:49

ولادیمیر پیوٹن، ڈونلڈ ٹرمپ سے بات چیت کیلئے تیار ہیں، روس

ماسکو (اُردو پوائنٹ اخبارتازہ ترین - این این آئی۔ 10 جنوری2025ء) کریملن نے ڈونلڈ ٹرمپ کے روسی صدر سے ملاقات کے بیان کو خوش آئند قرار دیتے ہوئے کہا ہے کہ ولادیمیر پیوٹن پیشگی شرائط کے بغیر نو منتخب امریکی صدر سے ملاقات کیلئے تیار ہیں۔غیر ملکی میڈیا کے مطابق کریملن کے ترجمان ڈمٹری پیشکوو نے صحافیوں سے گفتگو کے دوران کہا کہ ولادیمیر پیوٹن نے بارہا ڈونلڈ ٹرمپ سمیت بین الاقوامی رہنماں سے رابطے کیلئے آمادگی ظاہر کی ہے۔

(جاری ہے)

ترجمان نے کہا کہ صدر ولادیمیر پیوٹن، ڈونلڈ ٹرمپ سے ملنا چاہتے ہیں اور وہ اس خواہش کا اظہار عوامی سطح پر کر چکے ہیں، ہمیں یوکرین اور روس کے مابین جنگ کو ختم کرنا ہوگا۔کریملن نے ڈونلڈ ٹرمپ کے بات چیت کے ذریعے مسائل کے حل کو خوش آئند قرار دیتے ہوئے کہا کہ ماسکو کی دونوں رہنماں کے درمیان ملاقات کیلئے کوئی پیشگی شرائط نہیں ہیں۔ڈمٹری پیشکوو نے کہاکہ ملاقات کیلئے کوئی شرائط نہیں لیکن ضرورت اس امر کی ہے کہ بات چیت کے ذریعے مسائل کو حل کیا جائے۔