کراچی کے شہری آوارہ کتوں کے بعد اب چوہوں کے نشانے پر آگئے

لیاری میں چوہے نے نومولود بچی کو بے دردی سے کاٹ کر لہو لہان کر دیا،اسپتال منتقل

جمعرات 16 جنوری 2025 22:10

کراچی کے شہری آوارہ کتوں کے بعد اب چوہوں کے نشانے پر آگئے
کراچی (اُردو پوائنٹ اخبارتازہ ترین - این این آئی۔ 16 جنوری2025ء)کراچی کے شہری آوارہ کتوں کے بعد اب چوہوں کے نشانے پر آگئے، لیاری میں چوہے نے نومولود بچی کو بے دردی سے کاٹ کر لہو لہان کر دیا۔چوہے کے کاٹنے سے زخمی 35 دن کی سویرا کی حالت تشویشناک ہے جسے این آئی سی ایچ اسپتال میں طبی امداد دی جا رہی ہے ۔

(جاری ہے)

ڈاکٹرز نے بتایا کہ بچی کو سانس لینے میں شدید مشکلات کا سامنا ہے، چوہے نے اس کے گال اور گردن پر گہرے زخم دیے ہیں، سویرا کو آکسیجن لگا کر سرجیکل آئی سی یو میں داخل کر رہے ہیں۔

والدین کے مطابق سردی کی وجہ سے ہم کمبل پہن کر سو رہے تھے بچی کے رونے کی آواز ہمیں نہیں آ رہی تھی، کچھ دیر بعد ہم نے سویرا کی طرف دیکھا تو چوہا بھاگتا نظر آیا، اس کے گال پر خون دیکھا تو فوری لے کر اسپتال پہنچے۔

متعلقہ عنوان :