ڈپٹی ڈائریکٹر زراعت توسیع سیالکوٹ کا تحصیل ڈسکہ کا دورہ، گندم کے پیداوار ی مقابلہ جات بارے آگاہی فراہم کی

پیر 20 جنوری 2025 12:21

سیالکوٹ (اُردو پوائنٹ اخبارتازہ ترین - اے پی پی۔ 20 جنوری2025ء) ڈپٹی ڈائریکٹر محکمہ زراعت (توسیع) سیالکوٹ ڈاکٹر رانا قربان علی خان نے تحصیل ڈسکہ کے مختلف دیہاتوں کا تفصیلی دورہ کیا۔

(جاری ہے)

ڈپٹی ڈائریکٹر محکمہ زراعت (توسیع)نےتحصیل ڈسکہ کے دیہاتوں دھرم کوٹ، وڈالہ سندھواں اور میانوالی بنگلہ میں محکمہ کی جانب سے پوائنٹس آف سیل ڈیوائسز کے نفاذ، نرخ اور اسٹاک کی دستیابی کے حوالے سے کھاد ڈیلرز کی دکانوں سمیت گندم کے نمائشی پلاٹس کا معائنہ کیا۔

بعد ازاں انہوں نے تحصیل سیالکوٹ ،ڈسکہ،سمبڑیال اور پسرور میں قائم سہولتی مراکز میں پنجاب کسان کارڈ رجسٹریشن ڈرائیو اور کسان کارڈز کی تقسیم کے بارے میں کسانوں سے ملاقات کی اور انہیں کسان کارڈ، گندم کی کاشت بارے ہدایات، گندم کے پیداوار ی مقابلہ جات اور گرین ٹریکٹر سکیم کے متعلق آگاہ کیا۔