حکومت پولیو سمیت تمام امراض کے خاتمے پر خصوصی توجہ دے رہی ہے،سعادت حسن

انسداد پولیو مہم میں کام کے معیار پر کوئی سمجھوتا نہیں ہو گا،کمشنر لورالائی ڈویژن

بدھ 29 جنوری 2025 20:10

لورالائی(اُردو پوائنٹ اخبارتازہ ترین - این این آئی۔ 29 جنوری2025ء)کمشنر لورالائی ڈویژن سعادت حسن کے زیرِ صدارت ڈویژنل ٹاسک فورس برائے انسداد پو لیو مہم کا اجلاس منعقد ہوا۔اجلاس میں ایڈیشنل کمشنر منور حسن مگسی ، ڈپٹی کمشنر لورالائی میران خان بلوچ ، ڈپٹی کمشنر بارکھان وقار خورشید عالم نمائندہ ڈبلیو ایچ او ڈاکٹر محمد ایاز ، ڈاکٹر محمد اشرف ، سی سی او یونیسف محمد ہاشم ، ڈسٹرکٹ ہیلتھ آفیسر لورالائی ڈاکٹر عبد الحمید لہڑی ، ڈی ایس ایم فرحان خان ، فوکل پرسن مختیار خان لونی ودیگر متعلقہ آ فسران نے شرکت کی جبکہ ڈویژن کے دیگر اضلاع دکی ، موسیٰ خیل کے ڈپٹی کمشنرز و ڈی ایچ اوز بذریعہ وڈیو لنک شریک ہوئے۔

کمشنر سعادت حسن نے اجلاس میں شرکاہ سے بات چیت کرتے ہوئے کہا کہ حکومت پولیو سمیت تمام امراض کے خاتمے پر خصوصی توجہ دے رہی ہے۔

(جاری ہے)

دنیا کے اکثر ممالک سے پولیو ختم ہو چکی ہے انسداد پولیو مہم میں کام کے معیار پر کوئی سمجھوتا نہیں ہو گا ہر ایک اپنی ذنہ داری پہچانیں ہمیں پولیو کے حوالے سے زیرو ٹالرنس پر آ نا ہے انہوں نے کہا کہ تمام بچے ہمارے اپنے ہیں ہر حال میں دو قطرے پلانے ہیں چین جز کو دیکھتے ہوئے کام کریں جو بھی سفارش پر بھرتی ہوا اور وہ کام نہیں کر تا تو انھیں فارغ کرکے نئے لوگ لگائیں قبل ازیں ڈبلیو ایچ او کے نمائندے ڈاکٹر محمد ایاز نے گزشتہ مہم کی رپورٹ ، 3 فروری سے شروع ہونے والی مہم کے لئے تیاری ، اور لو پرفارمینس کی تفصیل بتائیں۔

کمشنر نے سختی سے ہدایت کی کہ ہر ایک اپنی ذمہ داری کو ادا کریں ڈپٹی کمشنر اور ڈی ایچ او آپس میں بٹھیں اور لو پرفارمینس یو سیز پر بات کریں انہوں نیکہاکہ ہر ڈی ایچ کیو ہسپتال میں انسداد پو لیو مہم کی افتتاحی تقریب منعقد کریں اور اس میں عوامی نمائندے اور علمائ کو بھی شرکت کی دعوت دیں انہوں نے اجلاس میں غیر حاضر آ فسران پر سخت برہمی کا اظہار کرتے ہوئے انھیں شوکاز نوٹس جاری کر نے کی ہدایت کی۔