منشا بم کے خلاف درج مقدمے سے دہشت گردی کی دفعہ 7-ATA ختم کرنے کا حکم

ہفتہ 8 فروری 2025 23:21

لاہور (اُردو پوائنٹ اخبارتازہ ترین - آن لائن۔ 08 فروری2025ء) لاہور کی انسداد دہشت گردی عدالت نے بھتہ خوری کے الزام میں لاہور کی سیاسی شخصیت ملزم منشا بم کے خلاف درج مقدمے سے دہشت گردی کی دفعہ 7-ATA ختم کرنے کا حکم دے دیا۔ انسداد دہشت گردی عدالت کے جج ارشد جاوید نے کیس کی سماعت کی۔

(جاری ہے)

دوران سماعت منشا بم عدالت میں پیش ہوا اور بیان دیا کہ اس کے خلاف جھوٹا مقدمہ درج کیا گیا ہے۔ منشا بم نے مؤقف اختیار کیا کہ اسے علم ہی نہیں کہ یہ مقدمہ کیوں درج کیا گیا، کیونکہ ایسا کوئی واقعہ سرے سے ہوا ہی نہیں۔ پولیس کے مطابق ملزم کے خلاف تھانہ ٹاؤن شپ میں مقدمہ نمبر 2598/23 درج ہے۔