لیبیا کے ساحل کے قریب سمندری حادثہ میں پاکستانی شہریوں کی اموات کا خدشہ ، کرائسز مینجمنٹ یونٹ کو فعال کر دیا گیا ہے،ترجمان دفترخارجہ

پیر 10 فروری 2025 17:20

اسلام آباد (اُردو پوائنٹ اخبارتازہ ترین - اے پی پی۔ 10 فروری2025ء) ترجمان دفتر خارجہ نے کہا ہے کہ لیبیا کے ساحل کے قریب بحری جہاز کو حادثہ پیش آیا ہے جس میں پاکستانی شہری بھی موجود تھے۔

(جاری ہے)

ترجمان کی جانب سے پیر کو جاری بیان میں کہا گہا کہ طرابلس میں پاکستان کے سفارت خانے نے مطلع کیا ہے کہ تقریباً 65 مسافروں کو لے جانے والا ایک بحری جہاز لیبیا کے زاویہ شہر کے شمال مغرب میں مارسا ڈیلا کی بندرگاہ کے قریب الٹ گیا۔

ترجمان نے کہا کہ طرابلس میں پاکستانی سفارت خانے نے فوری طور پر ایک ٹیم زاویہ ہسپتال روانہ کر دی ہے تاکہ مرنے والوں کی شناخت میں مقامی حکام کی مدد کی جا سکے، سفارتخانہ پاکستانی متاثرین کی مزید تفصیلات جاننے کی بھی کوشش کر رہا ہے۔ انہوں نے کہا کہ صورتحال پر نظر رکھنے کے لئےوزارت خارجہ کے کرائسز مینجمنٹ یونٹ کو فعال کر دیا گیا ہے۔\932